鍾菜 (Closed)

之前來過一次！食物水準一般，唔係太甜就太咸！今日兩大兩細再來，都叫平日但好多人等，一等就半小時，終於坐到梳化位，張枱好大，兩隻馬騮唔會整到隔離，地方開揚光猛，但就開揚得滯，留唔到冷氣，加上落地大玻璃窗，陽光照射入內，所以好熱（我們坐餐廳中央，唔近窗），個門口知客仲問我介唔介意坐門口吧枱位（四個面向門口，頭頂風閘吹正，出面所有等緊位嘅都會望住你食，加上兩隻馬騮點比佢哋坐高椅子）所以無要到！叫咗：鍾菜鮮蝦餃--一籠一隻，外皮煙韌，餡料豐富，蝦爽口！鬆軟叉燒飽--鬆軟，餡料都多，唔會過甜香煎蝦米腸--澁疊得精緻，煎得皮脆，外胞內軟！鮑汁炆雞腳--真係好正，我食咗三隻，炆得入味，骨肉分離，鮑汁唔會過咸，真係想叫碗飯撈汁食！椒鹽脆鮮魷--雖然份量少，一字排開扮大碟，炸漿唔厚，外脆內爽口彈牙，而且面頭灑少許椒鹽！正！濃湯魚滑菜苗--油墨菜配兩款菇，加少許鯪魚肉，菜爽口，菇煙韌，鯪魚肉較削，湯底濃但唔會過咸，幾清，可以去掉點心嘅油膩！侍應勤快，但明顯人手唔夠，連門口知客都要入廳執枱，做到踢晒腳！今次食比上次好好多！