時時樂餐廳

Open Now

Now Closed

有日lunch出街食，想話試下未食過o既鋪頭，但事前又冇做足準備，咁又出事喇唉。Lunch人太多難搵位，見到有間有位就求其坐落去，睇見d野食一d都唔吸引都有d想走，不過又搵過位唔知要等幾耐就算數，平平地叫個鳳爪排骨飯叫做安全少少啦，不過都係衰左。個類似老闆o既男人羅個飯上枱，d排骨係掂晒頂呀，但係點解咁多水係面o既，原來排骨同飯係分‧開‧蒸，佢分開蒸咪即係同叫個鳳爪蒸排骨小菜再加碗靚仔冇分別，盅飯好食都係因為d飯溝晒d肉o既油再加埋d煮過o既豉油姐，呢間鋪竟然拆散鴛鴦，有冇搞錯？唯有倒番d水落飯度食。D豉油都唔好得去邊，都唔好話係豉油，應該叫豉水，好似水咁稀，溝水溝到得番d色冇晒味。可以差成咁我都唔寄望d鳳爪排骨係合格，果然不負眾望，一d味都冇，隻爪仲好似染完色再沖番淡咁，真係羅自己隻腳指黎”選”都有味過佢。餐飲要杯熱好立克諗住實冇死，點知都係唔好得幾多，攪起上黎都知佢連粉慳埋，咁捨得買黑白淡奶沖茶連果少少粉都慳，都係拿拿聲飲完鬆人。