渝味曉宇重慶老火鍋 (聚賢逸居) (Closed)

時不時大家都會聽到唔同減肥既方法，但最驚就係要戒口。不過中意食野既人近年就有福啦，因為近年興起一種叫做「生酮飲食」既減肥方法，依種飲食就係一種以高脂肪，充足蛋白質，極低碳水化合物為主既飲食。而最近見到「渝味曉宇」推出左生酮火鍋，友人進行緊生酮飲食就捉左我去試下。初初以為生酮飲食會無咩選擇，但正正因為佢以高脂肪加充足既蛋白質為主，選擇其實都幾多，今次揀既湯底有平時最愛既花膠雞湯，而另外揀咗非生酮飲食既「重慶麻辣湯底」，因為黎到「渝味曉宇」無可能唔食麻辣😆湯底方面，自己初初食既時候就覺得唔算太濃味，但煲左陣之後感覺就開始濃，濃得黎唔會蓋過咗食物本身嘅味道，而花膠雞湯仲有好多花膠添，啱晒又想減肥又要美顏嘅朋友仔🤣配料方面，要同大家推介「海帶麵」、「嫩牛肉」、同埋「黑松露墨魚滑」。「海帶麵」本身係屬於生酮飲食嘅配料，佢望落去似粉絲，但係食落嘅口感係更加爽口，又可以吸到湯底本身既味，所以一定要試。另外，「嫩牛肉」比平時出邊食到嘅滑牛更加滑口，牛味好香，配埋麻辣湯，一個字 - 「正」！而至於「黑松露墨魚滑」，墨魚滑本身就係我自己嘅最愛，加埋黑松露，係將本身墨魚滑嘅味道提升一個層次，滑都夠彈牙。嘢飲