Error19 夢幻烤魚場 (Closed)

位於旺角彌敦道726號既Error19出晒名裝修pink pink💖同環境舒適, 適合打卡, 但當然食物都要啱口味先得!一入到鋪頭已經聞到淡淡濃湯味, 唔會太攻鼻, 我地都叫左個烤魚🐟 佢係有酸菜底, 平衝左辣度唔會太刺激, 加上成條魚大大條好鮮味, 拆左啲魚肉出來再浸湯食真係不得了, 揀左清江魚魚肉好滑😋食左半條魚就叫左D蔬菜打邊爐, 窩荀片同土豆片都好新鮮。窩荀夠脆口，淥耐D淋D又得, 薯仔我地就鍾意淥到勁淋勁入味。總括來講，呢個烤魚好食，食材好新鮮, 值得推介!