龍拉麵 (Closed)

前日午餐時間係德政圍落車，一落就見到呢間新開嘅拉麵，大大個招牌非常eye catching，見到最平嘅「白龍」都係$68 比平時嘅拉麵平少少就決定嚐下鮮。去到個陣都坐滿哂，係門口等左5-10分鐘先入得，坐低就好快有得食。碗麵一上枱，舊叉燒最吸引我，因為係啱啱燒起，仲見到面到有啲油脂泡沫，忍唔住就要食啖先。湯底同拉麵都係合格質素唔算特出。溏心蛋我唔鐘意全隻蛋上，切開一半一眼就可以睇到溏心，視覺上吸引好多。但一碗麵有一樣突出都好夠，由於塊叉燒太正，我食完碗麵再特登加$15食多塊。