Video
Read full review
2020-12-06
99 views
雞煲火鍋就食得多，羊腩煲火鍋都係第一次食🤩整體都好滿意，人均400-500蚊左右，算係少少豪食，間中一次半次都OK嘅😛.一開頭會先食羊腩煲，二人份量嘅羊腩煲就係$268。羊腩份量啱啱好，肉質軟腍，食落但有少少甜味，枝竹都好入味，整體都幾好食吖！雖然店員話可以一上枱就即食，但等個煲滾一陣先食食落好似會再腍啲再好食啲。每個人有一碟腐乳醬，記得點腐乳醬食吖😝.跟住就會加雞湯打邊爐🍲呢到嘅牛肉得兩款揀，就係美國牛小排同埋封門柳，兩款我哋都有叫，質素都唔錯呢！🤩美國牛小排就油花多啲，封門柳就肉味濃啲～牛舌都係皇牌之選，人多嘅話仲可以叫原條牛舌芯($138)我哋得兩個人，叫原條驚份量太多，所以就叫咗雙牛拼，即係封門柳拼牛舌。整體嚟講，呢到嘅牛肉都幾有質素！.而今餐令我驚喜嘅仲有鱔片，如果唔係太飽一定再叫多碟🤣食落肉質爽滑，我忍唔住一片接一片咁食😂另外都有叫蠔、響鈴、豬大腸、萵筍同埋餃子等等，都不過不失。響鈴有配一個糖醋汁，menu上甚至寫明係即食最好。我試咗即食同埋打邊爐食，我始終鍾意打邊爐食多啲呢😝.打邊爐當然要叫嘢飲，呢度嘢飲都係逐項收費。見到呢度有椰青($38/個)就忍唔住叫咗啦！當然係好f
整體都好滿意，人均400-500蚊左右，算係少少豪食，間中一次半次都OK嘅😛
.
一開頭會先食羊腩煲，二人份量嘅羊腩煲就係$268。
羊腩份量啱啱好，肉質軟腍，食落但有少少甜味，枝竹都好入味，整體都幾好食吖！
雖然店員話可以一上枱就即食，但等個煲滾一陣先食食落好似會再腍啲再好食啲。
每個人有一碟腐乳醬，記得點腐乳醬食吖😝
.
跟住就會加雞湯打邊爐🍲
呢到嘅牛肉得兩款揀，就係美國牛小排同埋封門柳，兩款我哋都有叫，質素都唔錯呢！🤩
美國牛小排就油花多啲，封門柳就肉味濃啲～
牛舌都係皇牌之選，人多嘅話仲可以叫原條牛舌芯($138)
我哋得兩個人，叫原條驚份量太多，所以就叫咗雙牛拼，即係封門柳拼牛舌。
整體嚟講，呢到嘅牛肉都幾有質素！
.
而今餐令我驚喜嘅仲有鱔片，如果唔係太飽一定再叫多碟🤣食落肉質爽滑，我忍唔住一片接一片咁食😂
另外都有叫蠔、響鈴、豬大腸、萵筍同埋餃子等等，都不過不失。
響鈴有配一個糖醋汁，menu上甚至寫明係即食最好。我試咗即食同埋打邊爐食，我始終鍾意打邊爐食多啲呢😝
.
打邊爐當然要叫嘢飲，呢度嘢飲都係逐項收費。
見到呢度有椰青($38/個)就忍唔住叫咗啦！當然係好fresh好好飲😝
最後真係食到捧住個肚走😂係幾滿足嘅😌😜
呢到座位唔多，建議想食嘅話要bk定位。
Post
