蘇杭冰室

Open Now

Now Closed

今日本身約咗朋友食飯，但係因為OT所以搞到成2130先到旺角，講真估唔到而家接近亦晚10:00旺角都仲有咁多食肆開，睇餐牌見到都幾吸引，同埋入面都幾多人食，所以就入咗去蘇杭冰室。Staff都好有禮貌，同埋親切，落單都好快手。炭燒T骨扒配薯角 $98其實完全食唔到，有炭燒嘅味，我係一個女仔叫咗呢一個牛扒都覺得唔夠食，因為份量真係好細，肥肉多，同埋好薄，可以食嘅位置唔算多，肉質好一般，冇乜牛味。跟餐嘅餐湯，我相信如果飲完一碗一定要去洗腎，我飲咗一啖之後就冇再飲。另外一個麻辣肉丁煲仔麵 $62 的而且確好足料好多肉，但係一樣都係洗腎秘方。呢間餐廳應該都唔會有下一次。但係佢哋服務好，反而冇加一。