Angry Oppa Restaurant & Bar (Closed)

今晚約埋家姐去尖沙咀搵好野食，家姐話好耐冇食過韓國菜，所以就鎖定目標去左金巴利道搵食，成條街韓國餐廳成行成市，攪到有選擇困難，最終上openrice search下，就搵倒Angry Oppa 。時間雖然尚早，都見已經有幾枱食客，餐廳裝修簡約，走年青人路線，餐廳播住韓國歌曲，好有韓feel😃呢度推介，迷你熔岩pizza，我同家姐都係芝士控，點會走寶😋迷你pizza真係好迷你😂但係唔好睇佢細細件，可以拉絲架🤗隻蝦爽口彈牙，中間夾左d應該係甜醬，同pizza餅底一齊食，味道好夾👍🏻👍🏻海鮮韭菜煎餅，呢個好大份抵食，煎餅周邊煎得好香脆，中間就帶小小煙靱，而且餡料豐富，每啖都食倒好香嘅韭菜同海鮮粒😋韓式泡菜湯，材料好豐富，濃郁湯入邊有好多五花腩肉，高麗菜同埋大豆牙菜，如果唔係已經食到好飽，一定追加一份年糕放埋入去一齊食😅