Video
Read full review
2012-01-14
159 views
本身都幫襯過好多次 ,但都受過唔少樓面氣. 唔係俾面老板娘同老師傅啲湯水,我一早寫咗劣評,但今次實在忍唔到. 奉勸各位,好湯水其他地方都有,除非你好想受氣,否則唔好揀呢間.話說年初有老友外地回港,佢想飲靚湯,本來唔揀呢間,但近太子, 就一就佢. 2個人就廢事訂位,諗住6點零去到,實有湯剩. 門口都有人排緊隊, 都預咗要等. 見佢張紙有2枱等緊,咪好聲好氣問個大漢待應,大約等幾耐, 佢好唔好老脾咁話" 你地等就等,咪X問咁多, 等幾耐邊話X到你聽.". 無端端被人罵, 火都嚟, 想即時走. 但朋友話一場嚟到,忍下佢 食餐飯, 駛唔駛咁惡. 大庭廣眾,我忍佢唔出聲. "我等,可唔可以留個螺頭湯" "大把湯剩,唔駛留, 你等就出去等". 未食飯都成肚氣, 但呢間都唔係第一次. 等咗廿幾分鐘,到我地. 點完菜後幾分鐘, 有個四眼待應話, 無晒螺頭湯. 心諗"咁快無晒, 唔係嘛",咁轉第二款. 四眼待應入去睇完再話,有啲賣晒,其他都有人訂咗. 離晒譜, 我搵番頭先個待應問, 佢居然話"而家人多, 個個都預早留湯,你唔一早打嚟問." 我己經好興, 之前同班friend去食, 次次我都有打去留湯
本身都幫襯過好多次 ,但都受過唔少樓面氣. 唔係俾面老板娘同老師傅啲湯水,我一早寫咗劣評,但今次實在忍唔到. 奉勸各位,好湯水其他地方都有,除非你好想受氣,否則唔好揀呢間.
話說年初有老友外地回港,佢想飲靚湯,本來唔揀呢間,但近太子, 就一就佢.
2個人就廢事訂位,諗住6點零去到,實有湯剩. 門口都有人排緊隊, 都預咗要等. 見佢張紙有2枱等緊,咪好聲好氣問個大漢待應,大約等幾耐, 佢好唔好老脾咁話" 你地等就等,咪X問咁多, 等幾耐邊話X到你聽.". 無端端被人罵, 火都嚟, 想即時走. 但朋友話一場嚟到,忍下佢 食餐飯, 駛唔駛咁惡. 大庭廣眾,我忍佢唔出聲. "我等,可唔可以留個螺頭湯" "大把湯剩,唔駛留, 你等就出去等". 未食飯都成肚氣, 但呢間都唔係第一次.
等咗廿幾分鐘,到我地. 點完菜後幾分鐘, 有個四眼待應話, 無晒螺頭湯. 心諗"咁快無晒, 唔係嘛",咁轉第二款. 四眼待應入去睇完再話,有啲賣晒,其他都有人訂咗.
離晒譜, 我搵番頭先個待應問, 佢居然話"而家人多, 個個都預早留湯,你唔一早打嚟問." 我己經好興, 之前同班friend去食, 次次我都有打去留湯, 但去6次,佢留得3次. 仲要係你問多佢一次,佢有無留湯,佢話有. 當你點好晒菜後,佢覆你話無晒湯. 叫你轉其他.
之後我再同佢罵.... 內容我都廢事講,啲餸有無加料我都唔知. 諗起都一肚氣, 飲咩食咩都補唔番.
總之一句, 佢啲湯水係好, 但唔值得你要俾錢受氣; 至於網友贊佢嗰啲糯米飯, 生炒骨, 蟶子, 老實講, 普通水準, 唔算突出. 大家係深水埗至太子, 油麻地老小炒, 水準都好過佢. 但服務態度更好.
Post