甜

Open Now

Now Closed

📍 甜{屯門}食完飯，一定要食甜品🍮今日就嚟到屯門人氣店，出晒名好多港女打卡亦都好多人士慕名揸車而黎既糖水店其實依間舖頭仲要喺我屋企樓下，真係超級方便！就算揸車出面都有少量錶位可以泊，不過就先到先得啦！✨ 榴太（椰汁，豆腐花，榴槤肉，雪燕，椰果）呢一款甜品真係成Pat榴槤肉，但係我哋就將椰汁底轉咗做明治牛奶底🥛另外仲加咗女士最愛桃膠，下面仲有豆腐花，鍾意食榴槤嘅你必定要嗌，因為一上枱已經超大浸榴槤味，仲有一筆起都有成大嚿榴槤肉，真係滿足晒食榴槤嘅你🩷✨ 壹號（芒果汁底.西米.芒果、桃膠.椰果）雖然本身材料已經夠晒多，但係貪心嘅我都另外加咗兩款寒天晶球+仙草，一飲落去都已經係好大嘅口感，全部都係我最鍾意食嘅配料，平時出去飲一杯珍珠奶茶都未必可以淡淡食到自己鍾意嘅配料，而且仲有新鮮嘅芒果肉，仲要係新鮮芒果汁底，極力推介❤️❤️❤️❤️✨ 檸檬百香果乳酸茶酸酸甜甜好適合，任何季節飲🥤而且仲有檸檬香，啱啱食完晚餐，飲少少檸檬嘅嘢都會特別消滯！✨ 西瓜汁冇添加任何糖或者水，係真材實料嘅西瓜汁🍉本人十分推介，十分like 👍👍👍