斯慕奇 (Closed)

係旺角掃街成日都掃鹹嘢，想搵甜嘢食過吓口癮，飲台式飲品又太飽，食糖水又太早啦掛。成日一行過就聞到好有牛油香味嘅舖頭，主打賣棒型泡芙，如果想食甜嘢過口癮，我相信泡芙可以一戰。泡芙皮上面仲有層奶酥，一口咬落去冰火交融，暖暖嘅泡芙脆皮，加上雲呢拿味又軟滑嘅冰凍吉士，甜而不膩，作為甜小食都係不錯嘅選擇。不過食依個棒型泡芙要睇準時機，啱啱出爐係最好食嘅，如果出爐攤咗陣 會無咁熱同脆口，相對就無咁好食，會減咗好多分架。