烚時・滾動 (Under Renovation)

首先個醬油盤勁有格調，咩醬料都齊晒，但後來我發現根本唔使沾醬食，因為個雞煲啲味已經超正！變埋打邊爐都仲係勁好食，完全唔使落醬。一嚟就叫咗半隻麻辣雞煲，店員話可以自己㨂幾麻同幾辣～我哋㨂咗中麻小辣，好正！首先啲雞係已經輕輕炸香咗咁，勁香，然後加入大量芫茜、洋蔥、蒜，超級入味！！齋食呢煲雞煲已經超滿足！食到咁上下，就叫咗店員加湯，開始打邊爐(´∀｀*)美國安格斯三角肥牛啲油花好均勻，食得出用料好高級，肥牛呢家嘢淥兩淥就食得～加上本身個湯底係麻辣+雞味，令到肥牛都好入味，好正！牛柳粒就要淥耐啲啦～不過就算淥耐咗都完全唔韌！！牛味仲好香濃！日本廣島蠔真係勁大隻同勁Juicy！淥完之後咬落去仲係咁多汁咁飽滿。脆鯇魚片比鯇魚腩多骨，但脆口程度一樣，咬落去勁爽勁彈牙！！呢個又係必嗌(*ﾟ▽ﾟ)ﾉ 第一次打邊爐冇叫凍飲，叫咗茗茶。係普洱嚟，估唔到又同打邊爐幾夾，而且茶係會解膩同埋消濟，食得太多肉同濃味嘢，飲返杯熱茶即時舒服晒！