樂天皇朝 (雅蘭中心)

Open Now

Now Closed

放工好想食小籠包，所以黎了樂天皇朝。因為小籠包來說，它的質素保持到水準！晚市人好多，所以拎飛要排隊大概半個鐘。點了招牌原味小籠包六粒，上枱時熱辣辣，每粒都冒白煙。皮薄餡靚，好飽滿多汁，點少少醋就已經好好味！京醬肉絲，呢道菜係朋友點名要食！用荷葉餅皮包住肉絲黎食，甜甜地煙煙韌韌，好好食！上海炒飯外貌平平無奇，但食落粒粒分明。有好多蝦仁、菜遠粒、肉粒、蛋絲，材料普通，但用的醬汁好惹味，所以炒出嚟個飯好香好好食！酒釀芋圓，酒釀不太甜，芋圓不是大大粒那種，細細粒好煙靭。令成碗芋圓的質感好細緻，食完飯再食呢個芋圓剛剛好，唔會太heavy。