Video
Read full review
2020-11-21
118 views
今日同家人繼續旺角睇裝修嘢之旅🚶🏻♀️ 睇嘢前先要做足準備：食飽～ 最後揀咗附近呢間「魚蛋哥」，貪佢有粉面又有港式小食！花多眼亂下一人叫左一碗車仔麵再加小食share💁🏻♀️🥢 潮州魚蛋黃金片頭豬紅米線湯底揀咗牛腩汁大地魚湯底，飲落口幾清幾好飲～ 米線煮得個硬度適中、唔會太硬或者太軟。潮州魚蛋同黃金片頭都幾彈牙。豬紅係我食車仔麵必嗌嘅餸，呢度嘅幾入味，比平時嗰啲夾起上嚟無咁易散！🥢 鮮蝦雲吞五香牛腩咖喱魷魚油麵家人叫嘅都係要咗大地魚湯底、不過就配咖喱汁，佢話幾香咖喱味、唔會太鹹～ 而嗰油麵亦都唔會話煮得太淋！ 鮮蝦雲吞大大粒好足料，五香牛腩好入味、亦都好有咬口、有少少似牛肋肉嘅感覺！咖喱魷魚份量好多而且食落去好爽口！👍🏻🥢 皇牌咖喱魚蛋、魚肉燒賣小食就一定唔少得要食魚蛋燒賣啦，尤其係呢度叫魚蛋哥喎😎 個咖喱汁menu寫話係由10幾種材料整嘅秘制醬汁！果然食起上嚟同其他平時啲咖喱魚蛋唔同，香得嚟有少少辣，好味😋 魚肉燒賣都有咬口、點埋嗰咖喱汁都唔錯呀～🥢 厚切煎釀三寶要咗3件，揀左要茄子、紅腸、豆腐。因為同屋企人都麻麻地青椒，所以呢度有得自己揀要咩實在太好～ 每款都真係大大件，煎得唔會太
花多眼亂下一人叫左一碗車仔麵再加小食share💁🏻♀️
🥢 潮州魚蛋黃金片頭豬紅米線
湯底揀咗牛腩汁大地魚湯底，飲落口幾清幾好飲～ 米線煮得個硬度適中、唔會太硬或者太軟。潮州魚蛋同黃金片頭都幾彈牙。豬紅係我食車仔麵必嗌嘅餸，呢度嘅幾入味，比平時嗰啲夾起上嚟無咁易散！
🥢 鮮蝦雲吞五香牛腩咖喱魷魚油麵
家人叫嘅都係要咗大地魚湯底、不過就配咖喱汁，佢話幾香咖喱味、唔會太鹹～ 而嗰油麵亦都唔會話煮得太淋！ 鮮蝦雲吞大大粒好足料，五香牛腩好入味、亦都好有咬口、有少少似牛肋肉嘅感覺！咖喱魷魚份量好多而且食落去好爽口！👍🏻
🥢 皇牌咖喱魚蛋、魚肉燒賣
小食就一定唔少得要食魚蛋燒賣啦，尤其係呢度叫魚蛋哥喎😎 個咖喱汁menu寫話係由10幾種材料整嘅秘制醬汁！果然食起上嚟同其他平時啲咖喱魚蛋唔同，香得嚟有少少辣，好味😋 魚肉燒賣都有咬口、點埋嗰咖喱汁都唔錯呀～
🥢 厚切煎釀三寶
要咗3件，揀左要茄子、紅腸、豆腐。因為同屋企人都麻麻地青椒，所以呢度有得自己揀要咩實在太好～ 每款都真係大大件，煎得唔會太油👍🏻
🥢 滋味炸雞翼
要咗三隻，煎得幾香脆，亦都同煎釀三寶一樣唔會話太油～
另外嗌車仔麵仲可以半價加嘢飲，喺旺角旺區嚟講幾抵食😎 而且份量又夠，整體唔錯☺️
Post
