禮 (Closed)

約左最近轉食素既朋友食飯，佢話呢度有唔少素菜有特色又幾好食，所以帶我嚟試下日系簡潔既裝修，店員都幾熱情～除左沙律之外，連串燒同燒物都有唔少素食既選擇我哋先要一份前菜漬物三點盛，當中既漬蒜開胃又惹味然後要左 胡麻蕃茄沙律都好清新，尤其係個蕃茄酸甜酸甜咁，令人食欲大增！！之後要左三款素肉串燒特別欣賞牛蒡素肉串，口感實在，調味出色而朋友就最愛月見免冶素肉棒，將素肉棒沾上混和蛋黃既微甜汁醬，同平日食到既無分別咁濟呢份黑松露大啡菇都唔錯，啡茹唔會燒到乾爭爭，松露既香氣令整體味道提升不少之後仲要左香甜既燒粟米同蕃薯最後食埋碗清清地腐皮稻庭烏冬真係好飽足