俺流塩らーめん (東港城)

Open Now

Now Closed

呢間拉麵店啱開張時都想試，但見到條人龍真係即時嚇到調頭走。咁啱呢日放假，襯仲有時間可以嘆個下午茶，就嚟睇下使唔使排隊啦，好彩一嚟到就有位。一坐落，就先見到有張白紙餐紙蓋住隻水杯，果刻覺得怪怪地，睇完餐牌點餐後，時間過左好耐，我四圍望好多人都好似我咁，所叫嘅野食仲未到，而門口亦開始有人龍，由三個人到有近二十人嘅人龍，最後我要等超過20分鐘，我點嘅麵先到，終於知道條人龍點解長期都咁長嘅原因。除左要等好耐先有得食之外，我所叫嘅係濃湯拉麵，個湯底係夠濃厚，而麵嘅軟硬度同我所點嘅都一樣，但係食完呢碗拉麵之後，就同朋友都覺得唔會再嚟。原因係呢個價錢要等嘅時間真係好耐，而好味嘅程度又未至於會再嚟，好彩冇加多個白飯，唔係就會覺得嘥錢。