Video
Read full review
2017-06-07
199 views
餐廳幾近太和港鐵站，去完大陸出差黎就好方便。餐廳內燈火通明，環境整潔乾凈。好有氣勢嘅龍～店員推介日式芝士龍蝦湯底，一般湯底係免費，但另加$88已經有成大隻龍蝦，唔需要考慮太多～就嚟個A4和牛芝士龍蝦湯底火鍋放題!出去打個轉，火鍋配料都唔少，比較特色係有啲小食，例如蒜味螺肉、八爪魚仔等等。然後就係本店最大特色，自助炸串機，炸物可以自己整，有蝦、丸、腸仔、秋葵、迷你一口蕃薯等等。有晒材料、圖解SOP、timer，唔駛驚唔識整。不過小朋友都要有大人陪同先好去整呀，俾油「焫」親就唔好啦。返埋位，個湯底同和牛已經到咗。和牛都幾大盤(之前試過另一間和牛火鍋放題，第一盤就多，之後就三催四請先肯出啲俾你，而且一盤比一盤少)，有埋牌仔註明邊個部位嚟嘅。和牛係最昂貴牛肉嘅之一，分為A、B、C三級，再按肉質細分為5個等級，1為最低，5為最高，而A5就是所謂嘅「極品和牛」，呢度食嘅就係A4和牛，已經係上上品。見到佈滿晒油花而且色澤鮮嫩，真係想快啲滾⋯我指個湯。起初有啲擔心個湯底會太濃，但個湯底望落都幾清，再試頭啖湯，原來好鮮甜，龍蝦味道重。龍虾真係大隻。有齊食具方便拆蝦。鍾意可以自製龍蝦肉湯 - 將啲龍蝦肉拆
餐廳內燈火通明，環境整潔乾凈。
好有氣勢嘅龍～
店員推介日式芝士龍蝦湯底，一般湯底係免費，但另加$88已經有成大隻龍蝦，唔需要考慮太多～就嚟個A4和牛芝士龍蝦湯底火鍋放題!
出去打個轉，火鍋配料都唔少，比較特色係有啲小食，例如蒜味螺肉、八爪魚仔等等。
然後就係本店最大特色，自助炸串機，炸物可以自己整，有蝦、丸、腸仔、秋葵、迷你一口蕃薯等等。有晒材料、圖解SOP、timer，唔駛驚唔識整。不過小朋友都要有大人陪同先好去整呀，俾油「焫」親就唔好啦。
返埋位，個湯底同和牛已經到咗。和牛都幾大盤(之前試過另一間和牛火鍋放題，第一盤就多，之後就三催四請先肯出啲俾你，而且一盤比一盤少)，有埋牌仔註明邊個部位嚟嘅。和牛係最昂貴牛肉嘅之一，分為A、B、C三級，再按肉質細分為5個等級，1為最低，5為最高，而A5就是所謂嘅「極品和牛」，呢度食嘅就係A4和牛，已經係上上品。見到佈滿晒油花而且色澤鮮嫩，真係想快啲滾⋯我指個湯。
A4和牛
14 views
0 likes
0 comments
起初有啲擔心個湯底會太濃，但個湯底望落都幾清，再試頭啖湯，原來好鮮甜，龍蝦味道重。
日式芝士龍蝦湯底
$88
21 views
0 likes
0 comments
龍虾真係大隻。
有齊食具方便拆蝦。
鍾意可以自製龍蝦肉湯 - 將啲龍蝦肉拆晒出嚟放落碗湯度，每飲一啖都係滿口龍蝦肉，飯tastic!
食完龍蝦，放返個龍蝦頭落去繼續熬，保持鮮味。
A4和牛真係同普通牛比係另一個層次。三角腩 - 肉質非常鮮嫩軟滑，淥完個形態好似成塊軟布咁，油脂部份仲係半透明狀，一擺入口，啲牛油牛香就綻放晒出嚟。肉眼上蓋 - 就油花比較少，不過牛肉味就更重。Any肥都係非常好食，有啲擔心食完返唔到轉頭，唔想再去食普通牛。
呢度叫$298以上嘅放題套餐就可以食埋海鮮放題。海鮮有原隻有頭虎蝦、日本帆立貝、紐西蘭半殼青口、魷魚/八爪魚仔、廣島蠔。
海鮮放題
11 views
0 likes
0 comments
帆立貝同廣島蠔都幾大隻，唔會因為放題就敷衍了事。
刺身叫左三文魚、榮螺、甜蝦、油甘魚、吞拿魚、馬刀貝、連象拔蚌都有得任叫～
刺身放題
26 views
0 likes
0 comments
三文魚都幾肥美，但榮螺就一定要食，極鮮甜。
甜品時間 - Dreyer's雪糕都係任食?!我已別無所求。
我地兩個食量不大，結果都食左五盤和牛，餐廳每次嚟牛都好爽手，又快又多。兩個小時不停咁食，龍蝦、海鮮、和牛、刺身、炸物、Dryers雪糕，時間啱啱好，好耐冇食得咁暢快，性價比極之高。擺上Facebook放閃後，已經有好多親戚朋友問幾時一齊去食⋯你地俾我抖下得唔得呀。
仲有其他優惠~
朝割(7:30p.m. 前離座)及夜割(9:30後入座)可享85折優惠
如果食得快，唔駛食120分鐘，可以揀週末割引，星期五、六、日、公眾假期及前夕，90分鐘內結賬及離座就有九折。
Post
