Takka Fusion Japanese Cuisine (Closed)

如題 應該係轉咗餐牌價錢一排，但每個餐大概加咗價$8左右，以前價位可以係openrice餐牌睇返。入到去覺得好似被騙，不過呢個價係西貢都算合理。嘢食望落唔大份但食落會好飽，味道正常，呢個價就呢分貨。我叫咗鯖魚定食($64)，鯖魚好味。(未加價好似係$56)但係服務一般，唔知個店員係咪新黎，我叫熱茉莉花茶，佢俾咗凍綠茶我...都唔緊要，最後嘢食食晒我哋杯嘢飲都未到...中途已經催咗兩次。但係熱茉莉花茶有驚喜，係用個壺上，份量都多，可以飲到5-6杯。整體上都還好，但自己覺得加價升幅好多，加上入到去坐低先見到加咗咁多，內心有啲唔平衡。即係如果佢出俾個牌轉埋價錢都冇咁唔順氣。上次去食係21年7月食嘅，今次冇影相，但食嘅嘢一樣。佢左下角嘅壽司次次唔同，有咩魚生就整咩。