Video
Read full review
2006-09-21
1 views
都好一排冇打食評, 今日唔知點解, 真係好想記低今日所吃的。因為2位美人朋友同我, 大家都一齊o係尖沙咀中心唔願郁, 見到水牌有好多食肆, 我就任性地揀左呢間梨花園, 不求其他, 只求吃其韓式前菜。一入到去, 韓國人佔大多數。食住燒烤, 飲住真露, 好不陶醉。一個人下班後的真正享受, 我認為莫過於此。因為冇乜胃口, 只叫了海鮮煎餅, 石頭飯同炒魷魚(個名一定唔係咁唔老黎的, 算啦, 百無禁忌)。等左好一陣前菜才上桌。一共8小碟。最出色的是麻油拌的雞脾菇, 爽脆得來又香; 蕃茄蛋都好食, 蕃茄已去皮, 一口咬下去鮮甜多汁, "必曬出來"; 其他味道都過得去, 反而我期待的金漬麻麻地, 味道唔夠透徹, 不酸不辣, 只有菜青味, 是本人最怕的金漬也。食完前菜, 主菜一次過上曬。石頭飯有小姐拌好, 分成3碗, 分量好似少左d, 俾著我100%戰鬥力就一定唔夠! 今日而言, 是剛好。石頭飯飯身稍淋, 可能是接近關門時間關係罷, 唔夠香。同同區的錦城比, 是輸的; 同city super!的梨花園比, 夠win有突(唔知可唔可以咁比呢)! 90大洋也經濟實惠!海鮮煎餅混著好多韮菜段煎, 雖略濕且魷
因為2位美人朋友同我, 大家都一齊o係尖沙咀中心唔願郁, 見到水牌有好多食肆, 我就任性地揀左呢間梨花園, 不求其他, 只求吃其韓式前菜。
一入到去, 韓國人佔大多數。食住燒烤, 飲住真露, 好不陶醉。一個人下班後的真正享受, 我認為莫過於此。
因為冇乜胃口, 只叫了海鮮煎餅, 石頭飯同炒魷魚(個名一定唔係咁唔老黎的, 算啦, 百無禁忌)。
等左好一陣前菜才上桌。一共8小碟。最出色的是麻油拌的雞脾菇, 爽脆得來又香; 蕃茄蛋都好食, 蕃茄已去皮, 一口咬下去鮮甜多汁, "必曬出來"; 其他味道都過得去, 反而我期待的金漬麻麻地, 味道唔夠透徹, 不酸不辣, 只有菜青味, 是本人最怕的金漬也。
食完前菜, 主菜一次過上曬。石頭飯有小姐拌好, 分成3碗, 分量好似少左d, 俾著我100%戰鬥力就一定唔夠! 今日而言, 是剛好。石頭飯飯身稍淋, 可能是接近關門時間關係罷, 唔夠香。同同區的錦城比, 是輸的; 同city super!的梨花園比, 夠win有突(唔知可唔可以咁比呢)! 90大洋也經濟實惠!
海鮮煎餅混著好多韮菜段煎, 雖略濕且魷魚不多, 多得韮菜令整個餅香起來。沾醬有好多芝麻同蔥花, 神來之筆也。
炒魷魚用左好多洋蔥同翠玉瓜同炒, 都幾香。魷魚十分大碟, 驚喜位係魷魚唔係全熟的! 保持住應有的鮮味! 不過唔夠辣同多水左d。食得辣的可以叫佢加辣。
今次食到最後仲剩返一大堆食物... 本來我係想拎走的, 可能waitress姐姐趕收工, 問都唔問就收曬我d野... 算啦, 都要體諒人地收工... 但扣少少服務分在所難免。
同場加映有一動物一昆蟲。有隻大肥花貓行來行去... 之後有隻大曱xo係度行街街... 同埋見d人用萬潔靈直接擦個bbq位... 衛生方面都要保留保留。
不過, 難得一次... 開心。
Post