Video
Read full review
2018-09-16
1463 views
今晚喺工聯會嗰度買嘢,所以順便係太子食飯,其中幾間食開嘅都大排長龍,既然係咁就試下新嘢啦.行到呢間湖南老家飯店門前,見到有幾個路人睇緊門口嘅餐牌,猶豫緊入唔入去,我同朋友就一馬當先咁樣衝入. 要行一層樓梯先至到達餐廳,入到裏面,環境比較昏暗,當時可能時間尚早,客人唔多,但係非常嘈.到差唔多食完客人多嘅時候就更加嘈吵喇.貌似老闆嘅人帶咗我哋去一張正方形嘅細枱,因為都幾侷促,我哋要求換枱,但係佢都唔畀.其實佢嘅安排都啱嘅,但係或者因為態度問題,或者因為佢冇乜笑容,作為客人總有一點不爽. 見到抬頭寫著如果like fb就會送小食,侍應話所謂小食就係花生,實在懶得為一碟花生上fb,即時果斷放棄~ 因為都有少少肚餓,好快就決定咗要食乜嘢,叫個侍應點菜,見到佢拖住腳步咁樣行過嚟,真係會有少少嬲.無論叫侍應攞餐牌定係斟水或者落單甚至上菜,每件事都慢幾拍,氣定神閑慢條斯理,當你以為佢已經唔記得想催佢嘅時候,佢又會忽然出現辦妥你嘅事情.算啦,食餐飯啫,又唔使咁急嘅~叫咗半隻湖南大千雞,鍋裡面配料似乎唔多,有雲耳同埋菌類,一啲都唔辣,都符合餐版上面寫嘅微辣,但係唔辣之剩,味道調較得相當咸.雞肉非常鞋口,不
行到呢間湖南老家飯店門前,見到有幾個路人睇緊門口嘅餐牌,猶豫緊入唔入去,我同朋友就一馬當先咁樣衝入.
要行一層樓梯先至到達餐廳,入到裏面,環境比較昏暗,當時可能時間尚早,客人唔多,但係非常嘈.到差唔多食完客人多嘅時候就更加嘈吵喇.貌似老闆嘅人帶咗我哋去一張正方形嘅細枱,因為都幾侷促,我哋要求換枱,但係佢都唔畀.其實佢嘅安排都啱嘅,但係或者因為態度問題,或者因為佢冇乜笑容,作為客人總有一點不爽. 見到抬頭寫著如果like fb就會送小食,侍應話所謂小食就係花生,實在懶得為一碟花生上fb,即時果斷放棄~
因為都有少少肚餓,好快就決定咗要食乜嘢,叫個侍應點菜,見到佢拖住腳步咁樣行過嚟,真係會有少少嬲.無論叫侍應攞餐牌定係斟水或者落單甚至上菜,每件事都慢幾拍,氣定神閑慢條斯理,當你以為佢已經唔記得想催佢嘅時候,佢又會忽然出現辦妥你嘅事情.算啦,食餐飯啫,又唔使咁急嘅~
叫咗半隻湖南大千雞,鍋裡面配料似乎唔多,有雲耳同埋菌類,一啲都唔辣,都符合餐版上面寫嘅微辣,但係唔辣之剩,味道調較得相當咸.雞肉非常鞋口,不過還算有一個優點,就係切得大細適中同埋唔算太油膩.
另外仲叫咗酸菜魚,要嘅係小辣,呢味餸一上枱嘅時候嘩咗一聲,比我想像中大兜好多喎.上面講過嘅大千雞$108,而依道酸菜魚就168,雖然貴啲,但係我覺得抵食過大千雞好多.酸辣味唔會過濃喧賓奪主,魚肉有咬口,唔會冧自自,問咗侍應原來係龍躉肉.汁調得酸辣適中,我甚至用酸辣汁送咗兩碗白飯.
因為係細枱,雖然勉強擺到兩樣餸,但係非常侷促,就算想點更多餸都冇興趣.仲有另一個致命傷就係呢度既然係食湖南菜,食辣嘢嘅比例應該都唔低,但係呢度嘅冷氣,甚至係通風系統實在唔夠力. 我就一路食一路滴汗,好難食得暢快.
Post
