米角

Open Now

Now Closed

佔地5000呎嘅日式超市「谷辰」已經開業一排，唔知大家去左未呢？唔止係超市，入面仲有餐廳，食得既日式又健談！環境喺尖東嗰邊，本身環境都比較空曠同少人啲，超市仲有啲室外嘅位置，都幾chill。餐牌米角和式香料慢煮雞肉海苔五穀便當 $68 每一盒便當已經有溏心蛋、野菜及日式漬物，就算係便當都擺得好精美☺️，雞肉唔會嚡口，煎得香口，配上五穀米，十分健康，女士減肥恩物。沖繩海鹽烤鮭魚伴魚子海苔五穀便當 $88 三文魚就相對上再清淡啲，魚味濃不會腥，配上魚子，簡單又健康。飯糰試左竹荀黑胡麻溏心蛋飯糰($34)、北海道昆布伴鰹魚片飯糰($28)，溏心蛋好靚，食落滑溜，鍾意佢係比紫菜你自己包，唔怕有紫菜雪耐左變焾問題。濃湯 跟便當 +$10 有日式野菜蕃茄濃湯、信州味噌昆布濃湯，茄味鮮甜，微酸開胃！總括而言，想食得健康又簡單，估唔到喺超市入邊嘅餐廳都可以解決到，就算唔食正餐，飯團都好多款式，買走同樣好方便。