走肉‧朋友 (Closed)

好多人聽到「食齋」就會卻步，覺得無肉食會唔飽，百幾蚊去食「菜」又好唔抵。同三五知己來到依間「走肉朋友」，素食自助餐，價錢唔算好貴，140蚊一位，但野食都算多，最吸引既係貴妃雞同串燒，可以做到肉既口感同味道，唔講係齋你未必會食得出，另外仲有沙津吧同中湯，款色當然唔及酒店西式自助餐，但百幾蚊有咁多款野食，真係好抵，食飽仲有涼粉同自製豆腐花，已經好奈無食到咁重豆味既豆腐花，性價比真心高。不過鋪位唔算大，應該坐到30-40人左右，分兩節，所以想食就要提早book位喇。