功德林上海素食 (世貿中心) (Closed)

平時食得好西多，都冇乜點留意到健康。女朋友話想食好西之餘又食得健康，於是就決定去食齋。 今次揀左香港多分店既<<功德林上海素食>> 先來開茶，原來有菊花茶的，有驚喜喎。坐低後，發現場內女性佔多，香港的女士果然比較著重健康。 先來的是<<佛跳牆燉湯>>，單睇樣都知足料，素翅、栗子、冬菇、杞子、猴頭菇等材料來燉，味道香濃，又健康。 <<糖醋松子黃魚>>，入口酸酸甜甜，魚身是芋頭，用素鵝皮包起，口感先脆後軟，夠哂有層次。餐廳用冬菇來拐魚的頭尾，夠哂創意。 <<菜汁炸銀絲卷>> 入口口感夠鬆，因為加左菜汁，所以內裡係淡綠色 ，除左本身既甜香味外，還帶有陣陣菜香。 <<豆腐花>> 一桶夠裝四碗，配以黃糖及桂花蜜糖。本人比夠喜歡桂花蜜糖，因為入口會更香，又冇咁甜。豆腐花入口夠熱又滑，推薦。