Video
Read full review
2023-04-01
265 views
仲未有時間去台灣旅行唯有繼續喺香港發掘平價又好食嘅台灣菜🥹今次要介紹呢間位於荔枝角既小店：黑布小巷💛我地食完第一次都覺得好有驚喜，誠意推介！.花枝丸配鬼椒辣粉($38@5粒)花枝丸墨魚味好重，爽口彈牙，炸漿都唔會好厚身。鬼椒辣粉辣度十足🌶🌶🌶🌶🌶開頭食覺得辣度正常，但後勁凌厲！唔係好食得辣的話佢地都有個普通版配淮鹽。🤣.慢烤雞腿芝士蛋吐司($56)上枱前已經平均地分做兩份。雞腿肉超級大塊！嫩滑得黎食到少少蜜糖味！半熟蛋加埋芝士做到極多流心&拉絲效果，食落帶有微甜味🤤吐司係用方包🍞表面塗有牛油並烘熱過所有材料都好夾！味道極台式又好味，呢個必食!💯.蕃茄紅燒台式牛肉麵($88)一上枱就聞到好濃既蕃茄味，飲落去每啖湯都有蕃茄蓉就知好足料🍅配料仲有紅蘿蔔同白蘿蔔，蘿蔔既甜中和左蕃茄既酸味，所以飲落其實都係酸酸甜甜咁好開胃🤤蘿蔔煮得好入味，咬落帶有本身既甜味同少少蕃茄既酸味👍🏻入面有3、4舊大既牛肋條，牛味濃郁，煮得好腍！麵條煮得柔軟得黎有彈性～另外驚喜既係入面有成隻好入味既滷蛋！平時食拉麵多數得半隻蛋🤣呢個價錢不論蛋、牛肉、蕃茄定蘿蔔都好足料，$88絕對係誠意之作🤩.桂圓杞子玫瑰三色圓($38
唯有繼續喺香港發掘平價又好食嘅台灣菜🥹
今次要介紹呢間位於荔枝角既小店：黑布小巷💛
我地食完第一次都覺得好有驚喜，誠意推介！
.
花枝丸配鬼椒辣粉
$38
8 views
0 likes
0 comments
花枝丸配鬼椒辣粉($38@5粒)
花枝丸墨魚味好重，爽口彈牙，炸漿都唔會好厚身。
鬼椒辣粉辣度十足🌶🌶🌶🌶🌶
開頭食覺得辣度正常，但後勁凌厲！
唔係好食得辣的話佢地都有個普通版配淮鹽。🤣
.
慢烤雞腿芝士蛋吐司
$56
17 views
0 likes
0 comments
慢烤雞腿芝士蛋吐司($56)
上枱前已經平均地分做兩份。雞腿肉超級大塊！嫩滑得黎食到少少蜜糖味！
半熟蛋加埋芝士做到極多流心&拉絲效果，食落帶有微甜味🤤
吐司係用方包🍞表面塗有牛油並烘熱過
所有材料都好夾！
味道極台式又好味，呢個必食!💯
.
蕃茄紅燒台式牛肉麵
$88
17 views
0 likes
0 comments
蕃茄紅燒台式牛肉麵($88)
一上枱就聞到好濃既蕃茄味，飲落去每啖湯都有蕃茄蓉就知好足料🍅
配料仲有紅蘿蔔同白蘿蔔，蘿蔔既甜中和左蕃茄既酸味，所以飲落其實都係酸酸甜甜咁好開胃🤤
蘿蔔煮得好入味，咬落帶有本身既甜味同少少蕃茄既酸味👍🏻
入面有3、4舊大既牛肋條，牛味濃郁，煮得好腍！
麵條煮得柔軟得黎有彈性～
另外驚喜既係入面有成隻好入味既滷蛋！
平時食拉麵多數得半隻蛋🤣呢個價錢不論蛋、牛肉、蕃茄定蘿蔔都好足料，$88絕對係誠意之作🤩
.
桂圓杞子玫瑰三色圓
$38
16 views
0 likes
0 comments
桂圓杞子玫瑰三色圓($38)
糖水有淡淡的玫瑰同黑糖味道飲落幾清香🌹
桂圓肉都好多粒，浸住糖水食好甜😍
三色圓包括芋圓、蕃薯圓、紫薯圓
每一粒咬落都好煙韌😋
出面食到嘅多數係木薯粉份量較多，呢間食到多啲芋頭/番薯/紫薯泥，所以味道都比出邊嘅相對濃一啲👍🏻
.
7 views
0 likes
0 comments
自家煲製冬瓜茶(少甜)($22)
飲落確實冇出邊台式飲品店嘅咁甜，但多咗份清甜，更加解渴！🫶🏻
桂花雪梨羅漢果茶($32)
又係一款新鮮煲嘅養生茶
羅漢果味相對比較濃郁，相信都要煲一段時間先做到😄
飲落都有少少桂花香味，但雪梨味道就唔算突出～
呢個價錢黎講，飲品咁高質咁有心機都算值得👍🏻
.
總結:我地兩個人食左咁多野，$250有找，呢個價錢，呢個質素冇得輸。😋
Post
