Video
Read full review
2016-01-01
721 views
2015年最後一日, 雖然都要係上班中度過.. 但點都要食餐好, 為呢一年畫上圓滿o既句號 (:早一日已經打左黎訂位, 中午1:15即刻訂到 ~平時雖然成日經過呢間日式燒肉店都聞到陣陣肉香但因為燈光昏暗, 又要上幾級樓梯先睇得清楚店入面既情況感覺好神秘, 所以一直唔夠膽入黎... 哈哈! 入面裝修簡約得黎充滿時尚感, 同平時去開食日燒o既感覺好唔同..除左燒肉, 亦有供應一般既日式定食~拉麵, 冷麵同烏冬共有四款... 飯亦有四款不過入得黎都係想試燒肉~~所有燒肉套餐都跟湯, 沙律, 野菜同白飯一碗~ 哈哈..點解會強調白飯係一碗, 因為個人黎講覺得碗飯唔太大, 稍為大食o既人, 或者男孩子可能會唔夠食呢 ~呢度用既係似蚊香形狀o既燒爐(同伊呂波一樣~!) 好處係火力會均勻d~ 唔會將火力淨係集中係中間落左單之後都等左一陣先有人招呼我地... 因為落單後店員要時間執返相應既食材出黎~再將食材進行調味, 到將食物捧上枱時已經準備好幫客人燒肉喇!!^^點解知道得咁清楚? 除左因為店面小小之外, 仲因為佢地有個半開放式既廚房, 店員既一舉一動我地都睇得好清楚..睇佢地幫食物調味都覺得係一種享
早一日已經打左黎訂位, 中午1:15即刻訂到 ~
平時雖然成日經過呢間日式燒肉店都聞到陣陣肉香但因為燈光昏暗, 又要上幾級樓梯先睇得清楚店入面既情況
感覺好神秘, 所以一直唔夠膽入黎... 哈哈! 入面裝修簡約得黎充滿時尚感, 同平時去開食日燒o既感覺好唔同..
除左燒肉, 亦有供應一般既日式定食~拉麵, 冷麵同烏冬共有四款... 飯亦有四款
不過入得黎都係想試燒肉~~
麵豉湯
129 views
0 likes
0 comments
麻醬沙律
85 views
0 likes
0 comments
所有燒肉套餐都跟湯, 沙律, 野菜同白飯一碗~ 哈哈..點解會強調白飯係一碗, 因為個人黎講覺得碗飯唔太大, 稍為大食o既人, 或者男孩子可能會唔夠食呢 ~
呢度用既係似蚊香形狀o既燒爐(同伊呂波一樣~!) 好處係火力會均勻d~ 唔會將火力淨係集中係中間
落左單之後都等左一陣先有人招呼我地... 因為落單後店員要時間執返相應既食材出黎~再將食材進行調味, 到將食物捧上枱時已經準備好幫客人燒肉喇!!^^
點解知道得咁清楚? 除左因為店面小小之外, 仲因為佢地有個半開放式既廚房, 店員既一舉一動我地都睇得好清楚..睇佢地幫食物調味都覺得係一種享受 =D
Set B x 2 & Set D x 1
$568
51 views
0 likes
0 comments
呢個Set包括: 椒鹽牛胸脊, 椒鹽霜降松阪豬, 牛油去骨雞腿肉
加多一個商務二人餐Set D $298
鹽蔥牛舌, 椒鹽牛胸脊, 椒鹽牛肋條, 椒鹽霜降松阪豬, 牛油去骨雞腿肉, 一口雞翼
Set B x 2 & Set D x 1
$568
50 views
0 likes
0 comments
Set B x 2 & Set D x 1
$568
49 views
0 likes
0 comments
配上豬肉慢慢滲透出黎o既油脂...調味唔會過濃或過淡, 好好味 !!
鹽蔥牛舌: 牛舌感覺比起平時食既薄切牛舌更加薄...所以燒牛舌時完全無反過黎燒! 加上牛舌上面有大量蔥花 (根據店員資料, 即使係呢d蔥花事前都用左幾個鐘黎處理辟味..)
好可惜...唔知係咪片牛舌太薄+太多蔥花, 唔係好食到牛舌應有既甘香.....
翠玉瓜: (平時唔食翠玉瓜 ;P) 翠玉瓜切到好薄所以食落無乜瓜味~ 食之前再沾返店家提供既醬汁~ 就可以入口喇
一口雞翼: 其實係單骨雞翼~ 雞肉好juicy, 外皮又夠脆
牛油去骨雞腿肉: 呢個係今餐既至愛! 雞肉燒到夠熟時先至沾燒到岩岩溶晒既牛油度~ 食之前已經聞到好香!! 雞肉好厚滑夠juicy, 大推介!
椒鹽牛胸脊: 個人覺得呢款做得一般無驚喜
椒鹽牛肋條: 呢個好珍貴! 因為每人得一粒架咋.... 因為店員對燒肉方法好有研究, 將牛肋條o既肉汁保存住..同時有筋o既部位都好易咬開, 一d都唔韌
雞脾菇: 封鎖住好豐富o既菇汁~~
青椒: (平時唔食青椒 ;D) 同松阪豬一樣邊位特別香脆! 食到重重o既椒鹽味~不過青椒本身味道太強烈遮蓋唔到..
粟米: 以香甜o既粟米作為成餐o既結尾 令人覺得好圓滿 (:
呢度提供o既汁有檸檬汁同埋自家製o既醬油.. 根據店員所講呢款自家製o既醬油有美容功效! 哈...店員邊幫我地燒, 邊介紹燒肉o既竅門, 呢餐都叫學到好多野呀 =P
Other Info. :
午餐店員要有時間先會幫客人燒, 如果係最繁忙o既時間黎就可能要自己燒
而晚市就有足夠o既人手幫每枱客人燒肉~
(The above review is the personal opinion of a user which does not represent OpenRice's point of view.)
Post
