嚐綠

Open Now

Now Closed

好少會幫襯呢間，因為無乜幾可會食沙律。之前食過一兩次，品質唔錯，起碼係真心有Heart沙律，材料新鮮、賣相靚、份量唔多但正常可以。Check返先知原來網上 (google同openrice同佢哋自己社交平台) 都不斷聽人講呢間啲店員成日西口西面，連老闆有時回應啲客都好唔客氣。我今日終於經歷到，服務姐姐態度係唔友善ga la，但起碼無鬧我囉，或者要預咗嚟得呢度食就唔好要求佢有恩勤服務，咁平衡一下對大家都好啲。食物選擇今日無咗我最愛嘅西蘭花，個牛油果綜合沙律我丁粒牛油果都食唔到，叫左個芭樂沙律好難食 (或者個人口味我根本唔應該叫呢個)，但薯仔、藜麥依然好食。但佢不時會轉menu，就今日經驗個人覺得係遜色過之前。不過觀塘極少有類似真心沙律店，有多個選擇依然係好嘅，不過就唔好期望有好好嘅客戶服務啦。