歌柏絲意大利餐廳 (Closed)

待應態度散漫，企係門口2分鐘都無人接待。呢到cocktails嘅質素其差，snow ball飲落有陣蛋腥味；margarita 太淡，除沙冰外仲加咗幾粒大冰，酒嘅份量又少，個bar tender需要再培訓先得。頭盤叫咗一鐵筒蜆，蜆肉肥美，緊緊熟唔會韌，以較濃杰嘅汁底去烹調，值得一試；三文魚野菌天使麵個sauce做得好出色，濃烈嘅香味令你一索難忘，配合略鹹嘅smoked salmon好夾，但敗筆係個angel hair，over cooked稔到無晒口感；roasted chicken肉質頗嫩，亦夠入味，不過更欣賞伴碟嘅new potato，用煎嘅方法令到薯嘅表面成脆焦，非常好味；焗羊架有兩大件，兩條骨為一portion，鹹味爭少少，起咗大部份肥膏所以無羶味，雖然叫全熟，但都有少少血水係碟底，個人認為七成熟較好食，肉質無咁嚡。