Video
Read full review
2015-11-04
2816 views
[多字慎入]咁又老一年 人生中可以暴食既機會 我諗多數都只會年輕時所以 要食得起放題 要無後顧食得開心就要襯後生啦啦啦!!!!入到去座位有d迫 枱都都較細每人座位上都有隻豉油碟每兩人對著有一碟芥末(之後食唔覺攻鼻)然後就係係未點食物前 去周圍偵察一下發現重要情報!周圍有d櫃擺放餐具 茶水發現有枝蛋黃醬 加分可以瘋狂擠配飯同炸物都好正------------我是可愛的分隔線--------------另外有幾個雪櫃放飲品 可供食客自助提取忌廉鮮奶首先感覺到氣泡 再放口內耐少少 味道甜甜帶creamy 芒果汁都係明治出品 韓式飲品味道甜甜果肉味 較平時飲既稠身仲有蘆薈汁,各款果汁先生而且有雀巢greek style yougurt 但最後都冇食到 ------------我是可愛的分隔線--------------生日優惠店員會向生日顧客查閱身份證可選haagen daz4-5位可送$180海膽剌身1板海膽凍凍地 味道鮮甜juicy紫菜包住食就分便d雖然平時人地會話海膽濃味 但我又覺得係清甜既感覺多d------------我是可愛的分隔線--------------有一張分開既紙 似係一
咁又老一年
人生中可以暴食既機會 我諗多數都只會年輕時
所以
要食得起放題 要無後顧食得開心
就要襯後生啦啦啦!!!!
入到去
座位有d迫 枱都都較細
每人座位上都有隻豉油碟
每兩人對著有一碟芥末(之後食唔覺攻鼻)
然後就係係未點食物前 去周圍偵察一下
發現重要情報!
周圍有d櫃擺放餐具 茶水發現有枝蛋黃醬 加分
可以瘋狂擠配飯同炸物都好正
------------我是可愛的分隔線--------------
另外有幾個雪櫃放飲品
可供食客自助提取
忌廉鮮奶
48 views
0 likes
0 comments
首先感覺到氣泡
再放口內耐少少 味道甜甜帶creamy
芒果汁
都係明治出品 韓式飲品
味道甜甜果肉味 較平時飲既稠身
仲有蘆薈汁,各款果汁先生
而且有雀巢greek style yougurt 但最後都冇食到
------------我是可愛的分隔線--------------
生日優惠
海膽剌身
167 views
1 likes
0 comments
可選haagen daz
4-5位可送$180海膽剌身1板
海膽凍凍地 味道鮮甜juicy
紫菜包住食就分便d
雖然平時人地會話海膽濃味 但我又覺得係清甜既感覺多d
------------我是可愛的分隔線--------------
有一張分開既紙 似係一d較珍貴同限時推介食物
免費星級海鮮宴
黃金炒海蝦
睇名就知道係蛋黃系列
原本以為係大牌檔,茶樓先夠鑊氣
的確冇咩鑊氣 但炸物既香口感好強
蝦細細隻 一口size
薄薄脆脆既蝦殼 有鹹鹹香口鹹蛋黃
好似食更鹹蛋黃味薯片咁
辣酒煮東風螺
76 views
0 likes
0 comments
雖然係辣酒 但辣酒唔辣而係甜甜地
螺都幾大隻 挑出來亦唔少肉
內裡亦有淡淡酒精酵醇味 配螺咀嚼感覺不錯
特色焗扇貝
97 views
1 likes
0 comments
特色焗扇貝
48 views
0 likes
0 comments
特色焗扇貝
158 views
2 likes
0 comments
芝士賣相吸引 芝士豐滿
唔係焗到硬哂既芝士 半固體狀的蓋著神秘的貝柱
再揭起軟軟香味傳千里既芝士 可見貝肉
放入口creamy得黎又有嚼勁
芝士香醇由脷心散佈到脷則
咀嚼多幾下有海鹽鹹味滲透出來
正到encore左3次
大瀛喜鮑魚龍蝦粥
因為同大家一齊share
所以食唔到龍蝦
其實鮑魚龍蝦味都唔太食到
有海產鹹味於粥內,感覺似薑粥
鮑魚炒飯
個名睇落原本以為只會係鮑魚粒
誰不知拎到黎時 有幾隻大約一隻手指位既小鮑魚
雖然味道跟普通的日式海鮮炒飯無別 鹹鹹的
但望到個幾粒小鮑魚都滿足
風味醬炒花枝片
辣汁象柭蚌
辣汁聖子
雖然係三種菜式 但食落隻汁味道一樣
辣辣地似酒瓣醬 但又帶少少甜
花枝片,象柭蚌質地韌韌 不過都可以咬開 味道主要係汁既味
聖子細細隻又估唔到幾肥美 海水味較多 味道不錯
但其實反而覺得配菜 有d青紅椒同洋蔥絲做底
佢地既味道鮮甜 比花枝片,象柭蚌,聖子更突出
------------我是可愛的分隔線--------------
食放題更係咩到食下
就算點餐紙吸引力睇落不比其他高
都總會有款有驚喜 令人印象深刻
A 沙律/小食
蟹肉蟹籽沙律
不得不承認既係 食得有d急
冇留意蟹肉是否存在
清新爽口既青瓜絲附上沙律汁 加上粒粒蟹籽就點都好食
但如果凍d更好
柚子大蝦沙律
驚喜所在
柚子甜味凸出 釣起大蝦鮮甜味道
另外沙律既菜比蟹籽沙律的凍
水份食落fresh得黎 又有汁甜甜既味道
日式枝豆
40 views
0 likes
0 comments
只能怪自己唔識食 吞左落肚先知
原來食枝豆唔食豆莢
仲等我心諗枝豆好食在邊...
泰式鳳爪
45 views
0 likes
0 comments
少少辣 甜甜酸酸 幾惹味
辣既程度係少少辣 又爽口
食完仲可以食到其他食物味道
作為開胃小食一流
------------我是可愛的分隔線--------------
揭點餐紙到尼度 師奶心態出現
去食放題梗係要食多多刺身
回本位嘛
所以叫左3round
B 刺身
刺身:三文魚 油甘魚 鲷魚 劍魚腩 玉子 珍寶赤海蝦
152 views
1 likes
0 comments
冰凍新鮮感覺
不過重點係大大盤而裝飾得靚靚的
吸引不少周圍的目光 望到都覺吸引
三文魚
本來覺得三文魚爭X多的是
黎食剌身 預係食名貴d既
但估唔到佢提供既係三文魚腩
雖然食落脂肪感不強
但厚切的所以肉質感強 啖啖軟腍三文魚
魚既甜味亦相當明顯
油甘魚
呢個刺身中相當突出
紅紅邊沿同粉紅色嘅肉
見到淺色賣相 本以為味道淡淡 卻出人意表
肉質相對彈牙 甜味相當三文魚
脂肪比三文魚少
更直接食出單純的甜
鲷魚
少少透明粉紅色
味道好清淡 無脂肪味
雖然對日本係相對高尚嘅刺身
不過不太合自己口味 加上食下食下其他食物
真係好難食得出魚味
劍魚腩
絕對係高貴既食材 白色實色既肉有少少泛紅
味道淡淡魚清新既味道 比鲷魚重少少
但質地較實 似蒸未熟透既魚 又似龍躉既質地
脂肪感比想像中少
以高貴既食材黎講期望過大了
玉子
細細片等腰三角形
普通的味道 平凡見真章 鮮甜非常
加上冰既輔助 係仲多刺身中最清新
珍寶赤海蝦
連住蝦頭 好大隻蝦 特別既係
慢慢係口內咀嚼 張口感十分強
留在口中口感甚強
另外味道甜美再點綴了張口口感
虎蝦
冇蝦頭既 跟珍寶赤海蝦對比大
雖然味道都係清 但口感十分爽
咬下去可以有少少「索」一聲既感覺
貝柱
細細粒 味道唔算特出
煙煙韌韌 挺有嚼勁
一粒較為張口既帶子
------------我是可愛的分隔線--------------
C 卷物/手卷
鰻魚芝士卷 蒜香和牛卷 櫻花珍寶蝦卷 芝士軟殼蟹卷 花之戀
111 views
1 likes
0 comments
不同卷物整齊排在長碟上
令人食慾大增
鰻魚芝士卷
上面蓋有一片鰻魚附帶燒汁
食得到鰻魚甜味道 但不濃
淡淡芝士味 同樣不太濃
可能那一刻 我味覺已經麻木了...
蒜香和牛卷
啡色的牛肉蓋面 再加少少蔥花
內裡卷著青瓜,玉子
牛肉肉汁跟肉香挺濃的
但如果更多燒汁 味道可能會更凸出
櫻花珍寶蝦卷
味道較凸出
因為珍寶蝦即是刺身那個
張口感強 大件啖啖肉
配上櫻花蟹子鋪面 清新香甜
芝士軟殼蟹卷
上面蓋有黃色芝士
內裡卷著軟殼蟹 還有一塊芝士在內
所以芝士味特別濃厚 再加上脆脆軟殼蟹
口感非常豐富
花之戀
平時都好鍾意食花之戀
估唔到佢既花之戀係用左三文魚腩
同刺身一樣 脂肪感不強 厚切啖啖肉
再加上蛋黃醬 脂肪感就補充返
蛋黃醬跟飯配合亦出色 口感豐富
海膽手卷 龍蝦沙律手卷
51 views
0 likes
0 comments
龍蝦沙律手卷
手卷一隻手指長
細細舊 適合放題size
但饀料不足 海膽少少甜
龍蝦沙律濃味d 有d蟹籽
主要食飯多 如果饀料多d味道會更佳
------------我是可愛的分隔線--------------
D 壽司/火炙壽司
食放題食壽司好似好浪費quota咁
但如果好食既話值得既
黑松露玻璃蝦 北海道鮮帶子 黑松露三文魚腩
122 views
1 likes
0 comments
黑松露為高尚食材
配上壽司又有意外驚喜
放入口中 鼻孔噴一下氣
係啖啖肉既三文魚中 流動著黑松露既回甘
使三文魚味道更多元
黑松露玻璃蝦
同樣黑松露回甘味強
為爽口冰鮮既玻璃蝦 添丁份濃厚味道
頓時香濃了不少 畫龍點睛
北海道鮮帶子
十分喜愛帶子多肉 多汁鮮甜
而且較有嚼口 可以係口入不斷咀嚼
鮮甜肉汁不斷流出
鹽燒三文魚 鹽燒左口魚 醬燒珍寶蟹棒
121 views
1 likes
0 comments
火炙壽司 薄薄既魚肉
散發淡淡煎魚味的感覺
再加少少蔥花 使魚香更凸出
醬燒珍寶蟹棒
蟹棒大大條 啖啖肉上有醬汁調味
在口中咀嚼 仍有不少蟹棒既肉汁嚼出
鮮味肉汁與調味醬汁 強烈對比下
鮮味肉汁勝
------------我是可愛的分隔線--------------
E 天婦羅
食放題又點少得天婦羅
就算熱氣都照上!!!
(食完翌日 生左兩粒暗瘡係兩邊眉頭)
海虎蝦天婦羅
炸蝦天婦羅係天婦羅既代表
脆脆金黃外皮下 有住仍然爽口既蝦
可以一口咬開 脆口與爽口同時享受
有機番薯仔天婦羅
58 views
0 likes
0 comments
呢個真係必食
咬開脆脆地既外皮下 有住澱粉感強烈既小番薯
細細粒 甜入心
點埋蛋黃醬更添了份香濃
就係簡單既甘甜俘虜了兩次encore
香芋天婦羅
外層同樣脆 但內裡既芋頭乾
就算點了昆布油 都十分乾
魷魚天婦羅
脆皮外層 煙韌魷魚
強烈對比下
嚼魷魚時仍然有脆皮 卡啦卡啦的感覺
------------我是可愛的分隔線--------------
F 炸物
食完天婦羅 炸物仲有一籮籮
流心一口芝士 紫心芋心丸 芝麻雞翼
139 views
1 likes
0 comments
流心一口芝士
58 views
0 likes
0 comments
熱辣辣呈三角形 咬下金黃脆皮
流出濃濃芝士香
口裡芝士極度香濃 唔只車打芝士味
更有ricotta少少清甜感覺
奶香脂肪味濃濃既芝士 留在口裡回味無窮
芝麻雞翼
芝麻在外皮上添了不少果仁香 亦增加脆口感
咬開外皮撕開肉絲
肉絲離骨 油份保留於肉中
在香口外皮中穿梭於口入
吉列炸生蠔
116 views
1 likes
0 comments
炸生蠔海產內臟感味道挺強
十分肥美 本身都已經十分夠味
雖然正常的好味 只可惜不夠其他出位
紫心芋心丸
82 views
0 likes
0 comments
佢就係其中既驚喜出位作啦~
球體狀 跟流心一口芝士外皮一樣
但咬開是香甜 甜蜜蜜既芋頭餡料
不像香芋天婦羅的乾
而係番薯仔天婦羅的甜入心味道
唔該 encore!!!
榴槤炸彈
名字都邪惡過人
球體狀 顏色較深色
咬下榴槤酥香隨即傳遍整枱
厚厚稠身既榴槤餡在口中盤踞著 香濃濃味既感受
但一啖起兩啖止系列 要跟人share 不然預計膩得很
------------我是可愛的分隔線--------------
G 燒物
炸完就係燒喇
似係食放題 有食西餐廳鋸扒feel
這裡也驚喜滿滿的
香草燒紐西蘭羊鞍
51 views
0 likes
0 comments
推介食品
羊肉十分鬆軟軟腍 一點都不粗糙
有脂肪既油性得黎 少羶味
一口咬下肉汁從軟腍羊肉擠出
再咀嚼下去十分和味
鹽燒海蝦串
清甜既蝦肉 外層蝦殼有醬油調味
跟中式小油既醬油蝦碌
惹味醬油與清甜蝦肉中和
和風柚子汁燒牛仔骨
原本牛仔骨肉汁偏鹹 和風柚子汁少少酸
使濃濃牛肉味道中少少有清新感
味道不錯 但牛仔骨肉質比較實
唔羊鞍咁出色
自家醬燒雞中翼
雖然應該唔係咁簡單
但跟BBQ時的蜜糖雞翼一樣
外皮甜甜 肉質嫩滑
但始終芝麻雞翼的雞油更多 更香滑
鹽燒鯖花魚
44 views
0 likes
0 comments
鯖花魚係實肉魚 燒得唔鞋
外皮食得出鹽既鹹味 魚肉味道被釣了出來
加檸檬汁清新宜人 好味道
七味雞軟骨燒
添加了七味粉調味鹹鹹的又帶點香辛
可惜雞軟骨實實的 不夠軟
食材本身影響了味道
燒有機菠蘿片
燒新鮮既菠蘿
入口甜甜多菠蘿汁 熱帶水果風味濃厚
想食甜味熱食之選
鹽燒多春魚
正常香口味道 細細條肉都嫩
只是略嫌唔夠多春
差了點口感的滿足
日式街頭大板燒
令人有少少失預期的
原本以為係平時見半熟蛋漿的那種
怎不知是中式薄餐 味道正常
燒勁辣尖椒
哇 燒肉店食既話好貴架
燒得林 味道除了辣外 你明既
------------我是可愛的分隔線--------------
H 主食
由於食左頭1round 戰力已開始下降
加上桌子位置唔多 所以冇食鍋物
鐵枝蒜香一口牛
42 views
0 likes
0 comments
蒜味香濃 一口size適合放題
牛肉味配蒜味挺適合的
但有少少韌 加上有機會有筋
(自己有粒有筋 但另外一粒冇筋的都少韌)
鐵枝野菌炒雜菜
聽似簡單 但椰菜,紅蘿蔔,青瓜絲等雜菜
配上牛油跟照燒汁 係惹味低罪惡感食物
但整枱人主要只有我食
牛油炒粟米
牛油粟米又點會唔好食
少少鹹香牛油佈滿 暖暖鮮甜粟米
雙方味道唔會互相爭寵
黑目鲷魚湯(上),辣醬牛肉烏東(中),鹽燒鯖花魚(右)
60 views
0 likes
0 comments
鲷魚味如果以刺身想像 就係冇咩味
飲到既味道都係 醬油麪豉加少少魚脂肪味
脂肪不濃 清清地
辣醬牛肉烏東
辣醬不辣 烏東微彈牙
正常得不能正常既味道
------------我是可愛的分隔線--------------
換日糖水:綠豆沙 法式焦糖燉蛋 朱古力吉士泡芺 紫薯栗子撻
152 views
2 likes
0 comments
意式奶凍 香芒世界 紫薯栗子撻 朱古力吉士泡芺 法式焦糖燉蛋
119 views
1 likes
0 comments
仲有絕對唔少得既更係甜品
個人覺得尼度甜品 賣相加味道都相當不錯
一定要留肚食
紫薯栗子撻
47 views
0 likes
0 comments
又一推介食物 尢其紫薯或栗子腔必食
順滑甘甜栗子忌廉 上有色彩迷幻紫薯粉
下有幼滑cream和甜甜軟腍紫薯粒
栗子甜 紫薯甜 cream甜
不同甘甜一起 甜入心~
法式焦糖燉蛋
燉蛋質地實實地 但入口感覺又挺滑的
加上上面的一層薄薄脆脆焦糖片
點綴了濃厚蛋味跟奶味
正常好食
意式奶凍
除了奶香外 加有雲呢拿調味
使在滑滑震騰騰奶凍 帶有絲絲香濃雲呢拿味
附帶一提係 底部有一兩粒雲呢拿籽
不用擔心
香芒世界
38 views
0 likes
0 comments
芒果布甸芒果清甜
上有甜蜜蜜西米糕 和一粒鮮甜芒果
十分有芒果氣氛 又有少少楊枝甘露感覺
換日糖水:綠豆沙
綠豆多 而且挺沙的
味道正常 適合忌吃西式甜品的食客
朱古力吉士泡芺
第一次食係第1round 感覺朱古力苦澀味有d濃
但食完一大輪食物後 最後清枱光盤行動
又覺得苦澀味少了
吉士少少稠身唔甜 與朱古力苦甜融合
互相映襯
------------我是可愛的分隔線--------------
雪糕
走到店舖最入 有得自助取雪糕
大腳板
66 views
0 likes
0 comments
牛奶公司朱古力牛奶雪條
只會係學校小食部或士多才會見
估唔到放題可以一嚐回味
另有雀巢雲呢拿,朱古力,黑芝麻,芒果雪糕平時買唔到細細杯既黑芝麻味雪糕架
食物種類多元 而且有唔少新穎款式選擇
尢其是自己相當滿意甜品跟刺身質素
不過由於只有兩小時 節奏挺急促的
有不少食物相片不能盡錄 有d冇影 有d out focus
收碟效率高 但有d未食哂收左(雖然只餘下少量)
係絕對抵食既放題
有趣既係食物慢慢變細塊 可能知道人地都開始食飽喇~
Post
