Video
Read full review
2020-10-18
45 views
我一向都係黑松露嘅愛好者,黑松露一向都係餐飲中鑽石,俾人一種高級嘅感覺。早排見到The point新出左黑松露盛宴套餐,我一早就book mark一定要試吓。今日終於有機會同老公去撐枱腳去。佢哋由餐湯到甜品都有黑松露,而且仲係新鮮即刨嘅黑松露,迫爆嘅黑松露別有一番風味, 因為黑松露唔適宜高溫烹調,會令到黑松露香氣流失,所以最好嘅食用方法就係刨成薄片,然後放上已煮好食物上,用食物熱力令黑松露散發出獨特香味。餐湯有黑松露野菌湯,大量嘅野菌配上黑松露嘅香氣十分之夾,加上有忌廉嘅加持令到成個湯更加creamy得黎又有口感。前菜我選擇咗黑松露火箭菜梨子沙律,火箭菜加香梨本身已經夠清新, 加上即刨黑松露,就可以係清新之中食到濃郁松露香氣滋味,另外合桃碎亦都非常之加分,令到沙律整體更有口感。當然唔少得仲有佢哋招牌嘅Pizza,今次依個松露盛宴就有鮮黑松露芝士意大利風乾火腿pizza。手工嘅Pizza餅底厚薄適中,旁邊中帶點香脆,芝士嘅份量仲好多添,趁熱食仲有拉絲效果,鹹香嘅風乾火腿配上新鮮黑松露,夠晒豐富。主菜我就揀咗意大利小雲吞配鮮黑松露野菌香腸粒鼠尾草牛油汁。意式雲吞size啱啱好一口一啖,醬汁
佢哋由餐湯到甜品都有黑松露,而且仲係新鮮即刨嘅黑松露,迫爆嘅黑松露別有一番風味, 因為黑松露唔適宜高溫烹調,會令到黑松露香氣流失,所以最好嘅食用方法就係刨成薄片,然後放上已煮好食物上,用食物熱力令黑松露散發出獨特香味。
餐湯有黑松露野菌湯,大量嘅野菌配上黑松露嘅香氣十分之夾,加上有忌廉嘅加持令到成個湯更加creamy得黎又有口感。
前菜我選擇咗黑松露火箭菜梨子沙律,火箭菜加香梨本身已經夠清新, 加上即刨黑松露,就可以係清新之中食到濃郁松露香氣滋味,另外合桃碎亦都非常之加分,令到沙律整體更有口感。
當然唔少得仲有佢哋招牌嘅Pizza,今次依個松露盛宴就有鮮黑松露芝士意大利風乾火腿pizza。手工嘅Pizza餅底厚薄適中,旁邊中帶點香脆,芝士嘅份量仲好多添,趁熱食仲有拉絲效果,鹹香嘅風乾火腿配上新鮮黑松露,夠晒豐富。
主菜我就揀咗意大利小雲吞配鮮黑松露野菌香腸粒鼠尾草牛油汁。意式雲吞size啱啱好一口一啖,醬汁味道唔錯有淡淡的牛油香,作為配料嘅野菌同香腸粒份量都幾多。
最後唔少得嘅甜品就係黑松露雪花雲呢拿泡芙 ,雖然雲呢拿泡芙自身冇咩特別,但係呢個甜品特別在就係即剃嘅黑松露雪花點綴,呢一餐真係將黑松露由頭食到尾,大滿足。
Post
