Video
Read full review
2022-09-13
131 views
今日去太古搵朋友，同朋友嚟咗呢間叫幸福鳥嘅日本餐廳食。見佢晚市時間差唔多都滿座，應該都幾好食。燒雞泡魚乾 ($68)有驚喜，朋友鍾意食雞泡魚乾，本來都諗住雞泡魚乾係會比較乾身同硬，但係呢個雞泡魚乾燒得唔會太乾，口感適中。點埋沙律醬食好滋味。叫咗個刺身拼盤食 ($318)有三文魚、吞拿魚、油甘魚、赤蝦、帶子整體來講新鮮肥美😋豆腐（$38）炸豆腐外面微脆內滑，上面落左啲蔥花同埋木魚絲。幸福鳥免治軟骨雞肉 ($68)我哋揀咗鹽燒同埋汁燒，點埋日本生蛋食。咬落有少少軟骨嘅碎粒粒，加埋雞肉，口感方面幾有唔同層次。另外仲有芝士同埋激辛兩款口味。牛舌 ($88)牛舌燒到啱啱好，唔會太硬，厚薄適中，入口有油香，但感覺唔會太肥膩。烏冬欣賞佢個湯清清地，烏冬係煮得啱啱好嘅軟硬度。汁燒原條九州槍魷魚 ($158)原條九州魷魚擺上台，感覺好吸引。以前食過燒魷魚係好硬身或者魷魚本身嘅肉質係好硬，但係呢個燒魷魚嘅肉質依然保持鮮嫩，趁熱食嘅話仲有超香嘅魷魚風味。蒜香粟米($58)粟米睇落平平無奇，但係佢嘅甜度都幾高，有帶點炭燒同埋牛油嘅香味。牛肉壽喜燒鍋 ($188)利用醬油做湯汁，入面加咗唔同嘅蔬菜好似係豆腐、蒟
燒雞泡魚乾 ($68)
有驚喜，朋友鍾意食雞泡魚乾，本來都諗住雞泡魚乾係會比較乾身同硬，但係呢個雞泡魚乾燒得唔會太乾，口感適中。點埋沙律醬食好滋味。
叫咗個刺身拼盤食 ($318)
有三文魚、吞拿魚、油甘魚、赤蝦、帶子
整體來講新鮮肥美😋
豆腐（$38）
炸豆腐外面微脆內滑，上面落左啲蔥花同埋木魚絲。
幸福鳥免治軟骨雞肉 ($68)
我哋揀咗鹽燒同埋汁燒，點埋日本生蛋食。咬落有少少軟骨嘅碎粒粒，加埋雞肉，口感方面幾有唔同層次。另外仲有芝士同埋激辛兩款口味。
牛舌 ($88)
牛舌燒到啱啱好，唔會太硬，厚薄適中，入口有油香，但感覺唔會太肥膩。
烏冬
欣賞佢個湯清清地，烏冬係煮得啱啱好嘅軟硬度。
汁燒原條九州槍魷魚 ($158)
原條九州魷魚擺上台，感覺好吸引。以前食過燒魷魚係好硬身或者魷魚本身嘅肉質係好硬，
但係呢個燒魷魚嘅肉質依然保持鮮嫩，趁熱食嘅話仲有超香嘅魷魚風味。
蒜香粟米($58)
粟米睇落平平無奇，但係佢嘅甜度都幾高，有帶點炭燒同埋牛油嘅香味。
牛肉壽喜燒鍋 ($188)
利用醬油做湯汁，入面加咗唔同嘅蔬菜好似係豆腐、蒟蒻絲、冬菇、椰菜等嘅材料，見到佢嘅蔬菜都切得靚靚哋幾有心思。加上薄片嘅肥牛，食得好滿足，口味亦都唔太鹹。可以再另外點生蛋食。
幸福燒雞 ($188)
燒雞真係整到外脆內滑，即使係放咗一陣先食，外面個皮依然係脆嘅，而且入邊嘅雞肉係嫩滑多汁。
沖繩菠蘿（$38）
口感幾嫩冇渣，鮮甜，為晚餐作結。
另外值得一提嘅係，侍應嘅態度服務良好，食得開心。
Post
