Video
Read full review
2023-11-22
1811 views
今日同幾個好朋友去一間新開嘅日本餐廳「赤の匠 」食Lunch 🍣 我見地址寫住亨利集團中心，就以為係Henry House，上到去見到係間串燒店😅 原來亨利集團中心英文係「H.D.H.」係近富豪酒店嗰邊嘅一座新大廈！門口外面有個大雕塑。「赤の匠 」位於6樓，樓底好高，裝修優雅，令人感覺好舒服😌餐廳有分鐵板燒區同壽司枱區。兩款料理都有新張期內「買一送一」優惠🤩 午市晚市同週末都有供應！❄️冬日祭典壽司廚師發辦套餐 $980❄️🦪澳洲生蠔 - 新鮮爽口，大隻又飽滿！🍅蕃茄沙律 - 蔬菜碧綠新鮮，有我最鍾意嘅火箭菜喺入邊，醬汁酸甜開胃。🥚茶碗蒸 - 上面有一層南瓜蓉🎃令蒸蛋更添顏色及甜味，令平時唔多食茶碗蒸嘅我都成碗食晒😋🍣刺身4款 - 用四方形玻璃碟呈上，賣相精緻，有赤貝、甜蝦、白身魚及赤身吞拿魚。師傅特別提醒我哋順序嚟食。1️⃣赤貝爽甜，加上少許檸檬汁，味道清新。2️⃣甜蝦配蝦頭膏，蝦味非常濃郁！蝦頭膏師傅有隔水加熱，令香味完全釋放。3️⃣白身魚混入黑松露醬，味道好創新，估唔到都幾夾！4️⃣赤身吞拿魚用醬油稍稍醃過，魚肉質感較腍，魚味香濃。🍣手握壽司6件 - 每件師傅手握完會放喺客人面前。食材味道由淡至濃。
我見地址寫住亨利集團中心，就以為係Henry House，上到去見到係間串燒店😅 原來亨利集團中心英文係「H.D.H.」係近富豪酒店嗰邊嘅一座新大廈！門口外面有個大雕塑。
「赤の匠 」位於6樓，樓底好高，裝修優雅，令人感覺好舒服😌餐廳有分鐵板燒區同壽司枱區。兩款料理都有新張期內「買一送一」優惠🤩 午市晚市同週末都有供應！
❄️冬日祭典壽司廚師發辦套餐 $980❄️
🦪澳洲生蠔 - 新鮮爽口，大隻又飽滿！
🍅蕃茄沙律 - 蔬菜碧綠新鮮，有我最鍾意嘅火箭菜喺入邊，醬汁酸甜開胃。
🥚茶碗蒸 - 上面有一層南瓜蓉🎃令蒸蛋更添顏色及甜味，令平時唔多食茶碗蒸嘅我都成碗食晒😋
🍣刺身4款 - 用四方形玻璃碟呈上，賣相精緻，有赤貝、甜蝦、白身魚及赤身吞拿魚。師傅特別提醒我哋順序嚟食。
1️⃣赤貝爽甜，加上少許檸檬汁，味道清新。
2️⃣甜蝦配蝦頭膏，蝦味非常濃郁！蝦頭膏師傅有隔水加熱，令香味完全釋放。
3️⃣白身魚混入黑松露醬，味道好創新，估唔到都幾夾！
4️⃣赤身吞拿魚用醬油稍稍醃過，魚肉質感較腍，魚味香濃。
🍣手握壽司6件 - 每件師傅手握完會放喺客人面前。食材味道由淡至濃。其實壽司飯已經調味，再加上師傅掃上嘅醬油，我基本上完全唔使再沾豉油就已經好夠味。
1️⃣ 白身魚油脂唔會太豐厚，肉質清爽幼嫩。
2️⃣ 蟹肉擁有軟彈質感，咀嚼時可以感受到蟹肉嘅鮮甜。
3️⃣ 梭子魚輕輕炙燒過魚皮，令油香突出，甘香得很。
4️⃣中吞拿魚腩無筋，入口即融而魚味濃厚。
5️⃣沙甸魚我本身有D抗拒，因為怕會好腥。不過師傅加咗蔥蓉同埋薑蓉，魚味濃而不腥。
6️⃣海膽口感細膩綿軟，非常鮮甜！紫菜香脆，好滿足呀！
🍳玉子燒 - 師傅話好多餐廳會用魚或者蝦打成蓉，之後再混合雞蛋去焗，但係佢哋用上帶子，因為怕客人對蝦過敏。玉子燒非常鬆軟，充滿蛋香濃，好似食緊一件蛋糕一樣💕
🍲 野菜烏冬 - 烏冬滑溜煙靭，湯底鮮甜而且又夠熱。
🍨雪糕 - 最後嘅甜品可以選擇芝麻、豆腐、綠茶或者柚子雪芭。
店員服務態度細心有禮，食物質素高，加上而家仲要有優惠，今次埋單每人都只係$588！我下次要試吓佢哋嘅鐵板燒先得！🥰
沙律
258 views
0 likes
0 comments
茶碗蒸
158 views
0 likes
0 comments
澳洲生蠔
139 views
0 likes
0 comments
刺身四款
112 views
0 likes
0 comments
白身魚
72 views
0 likes
0 comments
蟹肉
37 views
0 likes
0 comments
梭子魚
30 views
0 likes
0 comments
中吞拿魚腩
16 views
0 likes
0 comments
沙甸魚
25 views
0 likes
0 comments
玉子燒
20 views
0 likes
0 comments
野菜烏冬
30 views
0 likes
0 comments
Post
