Video
Read full review
2018-01-03
563 views
其實因為呢到價錢比普通餐廳貴, 所以平時都少食呢間, 但同事指定話想嚟呢間食, 而且可以喺OpenRice訂位同賺埋飛行里數, 所以今日就book 咗呢到啦。由於上星期已預早訂坐, 所以一去到餐廳門口, 職員即刻安排我地2個人去一張已放reserve牌既4人卡位比我地。嘩, 見到個刻勁開心, 覺得自己好似VIP咁。因為卡位坐得好舒服, 但數量唔多, 而且我地仲要得2個人, 所以如果冇訂位真係好難咁岩安排到坐卡位。原本想食黑毛豬或者肉眼扒, 點知望一望個價錢……要大約$200, 所以都係再選過其他野啦。結果我地叫左招牌海南雞$108、香烤薄牛扒法國軟包配黑松露薯條$88, 另外加配來佬菠菜餃$20。午市套餐係配埋是日餐湯同埋飲品, 但侍應冇問我地飲中湯定西湯就安排左1中1西比我地, 但其實我地2個都想飲西湯, 所以問左侍應點解會咁安排, 原來佢地係中餐配中湯, 西餐配西湯。(不過我同事話佢上次黎係可以自己選擇)等左幾分鐘D野食就到啦, 首先黎招牌海南雞, 我同事怕肥所以想轉做白飯, 不過佢地話唔轉得。我既香烤薄牛扒法國軟包配黑松露薯條亦跟住到啦。影完相就可以開動啦。海南雞凍凍地, D肉好
由於上星期已預早訂坐, 所以一去到餐廳門口, 職員即刻安排我地2個人去一張已放reserve牌既4人卡位比我地。嘩, 見到個刻勁開心, 覺得自己好似VIP咁。因為卡位坐得好舒服, 但數量唔多, 而且我地仲要得2個人, 所以如果冇訂位真係好難咁岩安排到坐卡位。
原本想食黑毛豬或者肉眼扒, 點知望一望個價錢……要大約$200, 所以都係再選過其他野啦。結果我地叫左招牌海南雞$108、香烤薄牛扒法國軟包配黑松露薯條$88, 另外加配來佬菠菜餃$20。
午市套餐係配埋是日餐湯同埋飲品, 但侍應冇問我地飲中湯定西湯就安排左1中1西比我地, 但其實我地2個都想飲西湯, 所以問左侍應點解會咁安排, 原來佢地係中餐配中湯, 西餐配西湯。(不過我同事話佢上次黎係可以自己選擇)
等左幾分鐘D野食就到啦, 首先黎招牌海南雞, 我同事怕肥所以想轉做白飯, 不過佢地話唔轉得。我既香烤薄牛扒法國軟包配黑松露薯條亦跟住到啦。
影完相就可以開動啦。海南雞凍凍地, D肉好嫩滑但帶少少紅; 裝油雞飯既飯碗比較細, 但都裝到滿一滿, 味道好正, 入味得黎又唔覺太油膩。
香烤薄牛扒法國軟包配黑松露薯條其實就好似三文治配薯條, 佢哋用牙籤將法國軟包同埋塊薄牛扒串埋一齊, 法國軟包好香, 而塊薄牛扒又易咬, 再加埋D西式沙律菜, 配搭一流; 黑松露薯條都超正, 黑松露沙律醬食落口有好香既黑松露味, 薯條又熱又脆, 就算放耐D都唔會好似某大快餐店咁隔一陣就淋晒。
至於來佬菠菜餃相比下就比較失色。
今餐真係食得好滿足，雖然比平民餐廳貴，但係都值回票價。
Post
