Video
Read full review
2022-07-07
162 views
話說最近去左呢間旺角燒肉放題，成晚食得非常辛苦，食到未夠鐘都想走。放題主打燒肉，但燒肉最重要嘅爐出曬事，個熱度係差到雞翼要燒足成半個鐘嘅程度，用打火機燒都快過佢.... 我地叫左level 2打算食下牛肉，但因為個爐太糟糕，所有燒出黎嘅牛肉都係燒得耐到乾柴柴咁（先勉強熟到），其實係真係咩味都食唔到。最犀利係芝士大啡菇，燒到天荒地老連菇面d芝士都溶唔到，真係第一次燒肉食到咁無奈，都唔知仲繼唔繼續燒落去好。附上燒左就黎半個鐘嘅茄子，抽乾曬水都好似未熟咁食唔到肉都算，呢度嘅抽風系統又係奇差。個爐d熱氣好似抽極都抽唔走咁，熱到傻左，好地地食餐飯食到大家都勁熱勁嬲勁燥底。最後我地決定放棄燒肉算，反正d肉都係燒極唔熟.....老實講其實熟食係還可以嘅，同兆萬中心果種放題質素比較都算係咁，炸雞炸得幾脆，刺身都可以食。最奇葩就係明明食物質素係旺角區放題黎講都過得去，但偏偏個爐咁搞法真係完全無辦法繼續食，最後我地都係提早走左。連埋服務費人頭$372，只能說呢個價錢絕對可以食到decent嘅set dinner（同埋唔使食到人都燥曬）。無法理解點解呢度嘅comment咁正常....
放題主打燒肉，但燒肉最重要嘅爐出曬事，個熱度係差到雞翼要燒足成半個鐘嘅程度，用打火機燒都快過佢.... 我地叫左level 2打算食下牛肉，但因為個爐太糟糕，所有燒出黎嘅牛肉都係燒得耐到乾柴柴咁（先勉強熟到），其實係真係咩味都食唔到。最犀利係芝士大啡菇，燒到天荒地老連菇面d芝士都溶唔到，真係第一次燒肉食到咁無奈，都唔知仲繼唔繼續燒落去好。
附上燒左就黎半個鐘嘅茄子，抽乾曬水都好似未熟咁
食唔到肉都算，呢度嘅抽風系統又係奇差。個爐d熱氣好似抽極都抽唔走咁，熱到傻左，好地地食餐飯食到大家都勁熱勁嬲勁燥底。最後我地決定放棄燒肉算，反正d肉都係燒極唔熟.....
老實講其實熟食係還可以嘅，同兆萬中心果種放題質素比較都算係咁，炸雞炸得幾脆，刺身都可以食。最奇葩就係明明食物質素係旺角區放題黎講都過得去，但偏偏個爐咁搞法真係完全無辦法繼續食，最後我地都係提早走左。連埋服務費人頭$372，只能說呢個價錢絕對可以食到decent嘅set dinner（同埋唔使食到人都燥曬）。
無法理解點解呢度嘅comment咁正常....
Post
