漁品酸菜魚火鍋放題 (Closed)

今日入大圍探個friend，佢又懶得煮，所以我哋落去搵嘢食。都好耐冇食過酸菜魚，見到呢間，就試吓啦。兩個人，我哋叫咗原條龍躉烤魚（酸菜味 ）$298，安格斯牛板腱$80，萵筍片 $40，又叫左啲野飲。最後埋單唔洗4百。兩個人可以叫嘅嘢唔多，酸菜魚就一定要叫㗎啦，佢有分烤魚同唔烤魚，我未試過烤魚，所以今次叫烤魚試吓。成盤上嘅酸菜烤魚好大份，佢標榜冇激素，沙巴嚟嘅龍躉，食得好安心，肉質鮮甜嫩滑👍🏼👍🏼！加埋啲配菜有蕃茄，薯仔片，酸菜，芫荽等，十分惹味！😋