Video
Read full review
2021-12-06
79 views
講到尖沙咀食印度菜，第一時間肯定會諗起重慶大廈！但如果想食印度菜食得招積，坐得舒適，我哋就推介Masala Hut & Cafe喇！Masala Hut & Cafe位於金馬倫道，餐廳面積大，所以坐位闊落，坐得非常舒服！Masala Hut & Cafe嘅午餐係自助形式，而晚餐則為À la carte模式，食物選擇多，味道高質架！Salmon Tikka如果你覺得印度菜就係咖哩、咖哩同咖哩，咁你就大錯特錯喇！呢款Salmon Tikka就唔係咖哩喇！三文魚先用黑椒同多種印度香料醃過再燒，所以味道有層次之餘，仲帶有微微焦香！而且三文魚無骨，加上厚切，所以食嘅時候啖啖肉，非常滿足。Punjabi Kukkad Makhanwala唔慣太重口味嘅朋友，就可以叫呢個Punjabi Kukkad Makhanwala！Punjabi Kukkad Makhanwala其實係奶油雞，醬汁香濃又滑，重點係一啲都唔辣，啱晒唔食得辣嘅朋友仔！食落仲有淡淡嘅牛油味，整體味道好細緻，而醬汁令雞肉更嫩滑。Mixed Vegetable Curry印度有鍾意咖哩，就連菜都係咖哩選擇！呢款Mixed Vegeta
Salmon Tikka
如果你覺得印度菜就係咖哩、咖哩同咖哩，咁你就大錯特錯喇！呢款Salmon Tikka就唔係咖哩喇！三文魚先用黑椒同多種印度香料醃過再燒，所以味道有層次之餘，仲帶有微微焦香！而且三文魚無骨，加上厚切，所以食嘅時候啖啖肉，非常滿足。
Punjabi Kukkad Makhanwala
唔慣太重口味嘅朋友，就可以叫呢個Punjabi Kukkad Makhanwala！Punjabi Kukkad Makhanwala其實係奶油雞，醬汁香濃又滑，重點係一啲都唔辣，啱晒唔食得辣嘅朋友仔！食落仲有淡淡嘅牛油味，整體味道好細緻，而醬汁令雞肉更嫩滑。
Mixed Vegetable Curry
印度有鍾意咖哩，就連菜都係咖哩選擇！呢款Mixed Vegetable Curry入面有椰菜花同豆角，特別鍾意椰菜花，勁索味，咖哩味道好有層次！
Butter Nan and Garlic Nan
食咖哩又點少得配番件烤餅呢？我哋就叫咗牛油烤餅同蒜蓉烤餅，加埋奶油雞同咖哩雜菜一齊食就更惹味啦！
Fruit Punch and Strawberry Milkshake
最後叫咗杯Fruit Punch同Strawberry Milkshake，不過，Fruit Punch唔知用咗咩水果定加入咗啲印度調味，確實唔係太啱我哋口味。不過，Strawberry Milkshake真係超級好味，士多啤梨味濃，奶昔細滑，唔錯！
Post
