Video
Read full review
2023-02-21
114 views
放工同朋友去咗銅鑼灣食飯，佢想食生蠔，所以就揀咗「牡蠣酒場」。雖然我唔好生蠔，不過餐廳仲有好多其他嘢食，唔使擔心😊。呢度環境同氣氛令人舒服，係放工到訪嘅好去處。店員服務態度有禮，清楚菜式內容，並主動提供協助👍。餐廳所提供嘅菜式涵蓋生蠔、串燒、小食同麵食等，當中融匯西日烹調煮法。顧名思義，餐廳主打生蠔，👨🏻並有師傅即場開蠔，佢引入日本各地嘅牡蠣，並用上地圖顯示來源地🗺️。朋友揀咗德島鳴門($98/中Size)同北海道Maruemon($88/中小Size)，兩款大小相若，共通點係重海水味同爽口，而後者則再濃郁啲同Creamy啲🦪。由於啲蠔靚，所以推薦原汁原味品嚐。不過如果想要新意思，可以試吓餐廳嘅特調口味，例如有泰式青檸同海膽牛肉清湯等。煙三文魚Mousse薯仔沙律($88)，🥗沙律好大份，上層係田園沙律菜，而下層就係由粒狀同糊狀嘅薯仔所混合而成🥔，食落凍凍哋，幾正；入面仲加咗煙三文魚慕絲，但煙燻鹹香味就未算突出。天婦羅明太子($68)，明太子菜式食得多，但原裝連薄膜食都係第一次。明太子以紫蘇葉包裹，再拎去油炸成天婦羅🍤，顆粒口感微脆，並散發辛香同鹹味，紫蘇葉則發揮清新作用，兩者相映成趣
放工同朋友去咗銅鑼灣食飯，佢想食生蠔，所以就揀咗「牡蠣酒場」。雖然我唔好生蠔，不過餐廳仲有好多其他嘢食，唔使擔心😊。
呢度環境同氣氛令人舒服，係放工到訪嘅好去處。店員服務態度有禮，清楚菜式內容，並主動提供協助👍。餐廳所提供嘅菜式涵蓋生蠔、串燒、小食同麵食等，當中融匯西日烹調煮法。
顧名思義，餐廳主打生蠔，👨🏻並有師傅即場開蠔，佢引入日本各地嘅牡蠣，並用上地圖顯示來源地🗺️。朋友揀咗德島鳴門($98/中Size)同北海道Maruemon($88/中小Size)，兩款大小相若，共通點係重海水味同爽口，而後者則再濃郁啲同Creamy啲🦪。由於啲蠔靚，所以推薦原汁原味品嚐。不過如果想要新意思，可以試吓餐廳嘅特調口味，例如有泰式青檸同海膽牛肉清湯等。
煙三文魚Mousse薯仔沙律
$88
12 views
0 likes
0 comments
天婦羅明太子($68)，明太子菜式食得多，但原裝連薄膜食都係第一次。明太子以紫蘇葉包裹，再拎去油炸成天婦羅🍤，顆粒口感微脆，並散發辛香同鹹味，紫蘇葉則發揮清新作用，兩者相映成趣。
醃帆立貝薄切($128)，帆立貝薄切有成十片，每片均配以爆漿三文魚籽同刁草🌿，再灑上少量胡椒粒。調味能夠突顯帶子嘅鮮甜，而且一啲都唔腥，開胃。
蒜片欖油蝦
$78
8 views
0 likes
0 comments
吉列千層豬柳
$48
10 views
0 likes
0 comments
海膽忌廉意大利麵($198)，🍝意粉偏幼身，麵質富嚼勁，浸泡於淺黃色嘅海膽忌廉汁之中，味道濃郁，再配埋甘甜嘅海膽，非常邪惡🤤。不過記得要襯熱食，否則食到尾段就遲免唔到有少少溜。
玉子免治雞肉
$40
18 views
0 likes
0 comments
牛柳
$58
14 views
0 likes
0 comments
串燒: 牛舌($38)，👅牛舌用鹽燒，簡單唔花巧。牛舌夠厚又爽口，但唯一挑剔嘅地方就係三件大小不一。
串燒: 黑豚小排肉($38)，🐖黑豚小排用上腩位，燒起上嚟充滿油脂香，而食落又未至於一口油。
飲品方面，我要咗沖繩雜果梳打🍹($48)，味道重橙香，亦有啲似Fruit Punch，最緊要係唔太甜。除咗特飲，餐廳仲有好多酒精飲品，如威士忌同燒酌梳打等。
總括嚟講，呢餐食得好暢快，菜式選擇繁多，每樣都好味道😋，而且定價喺銅鑼灣區其實唔算貴，如果餐廳有埋甜品食就完美啦！
Post
