Video
Read full review
2020-05-05
514 views
屋企人話好耐冇食放題， 講開又係，今晚我哋去觀塘《千賀水產の 鮮鍋道場》 火鍋放題加環球自助美食。 疫症期間正做推廣，二人同行第二位半價， 兩小時火鍋加自助美食夠曬抵！先量體溫 ，消毒雙手， 留意出去自助區食物時要戴口罩取。行一個圈睇吓有咩食先～～ 熱葷有唔少選擇，隔冇耐就會換新款或者refill.蒸魚，味道唔錯.和式餃子 ， 皮夠脆。炒蜆惹味，蜆肉無沙。南乳炆豬手， 轉頭返嚟已經換咗蒸雞， 銷量都幾快。蘿蔔炆牛尾， 蘿蔔仲未炆腍，好硬淨！鹵水豬耳入味，豬耳夠煙韌。沙嗲串燒啲肉好夠冧。這款炒飯有餐肉粒， 味道唔錯！亦有中式點心區， 小籠包熱辣辣， 另外西洋菜老火湯也非常正！ 足料濃郁又冇味精！ 忍唔住也encore 了兩碗。自助沙律區，選擇唔多， 薯仔蘋果沙律唔錯。 蟹腳則比較瘦～食火鍋前梗係要混一混醬。熱飲區嗰邊 可以泡一壺熱茶 ，玄米茶，菊花茶， 還有咖啡。 飲品櫃選擇也不少～ 成個飲品櫃擺滿 唔同款式。清清哋揀咗 皮蛋芫茜湯底～ 以為清湯底原來都幾多料， 芫茜皮蛋味好香， 配任何火鍋料都啱啱好唔會太濃味。套餐包括一份火鍋海鮮盛合～ 生蠔， 貴妃蚌，大蜆，海蝦，脆肉鯇片。 貴妃蚌鮮
屋企人話好耐冇食放題， 講開又係，今晚我哋去觀塘《千賀水產の 鮮鍋道場》 火鍋放題加環球自助美食。 疫症期間正做推廣，二人同行第二位半價， 兩小時火鍋加自助美食夠曬抵！
先量體溫 ，消毒雙手， 留意出去自助區食物時要戴口罩取。
行一個圈睇吓有咩食先～～ 熱葷有唔少選擇，隔冇耐就會換新款或者refill.
蒸魚，味道唔錯.
和式餃子 ， 皮夠脆。
炒蜆惹味，蜆肉無沙。
南乳炆豬手， 轉頭返嚟已經換咗蒸雞， 銷量都幾快。
蘿蔔炆牛尾， 蘿蔔仲未炆腍，好硬淨！
鹵水豬耳入味，豬耳夠煙韌。
沙嗲串燒啲肉好夠冧。
這款炒飯有餐肉粒， 味道唔錯！
亦有中式點心區， 小籠包熱辣辣， 另外西洋菜老火湯也非常正！ 足料濃郁又冇味精！ 忍唔住也encore 了兩碗。
自助沙律區，選擇唔多， 薯仔蘋果沙律唔錯。 蟹腳則比較瘦～
食火鍋前梗係要混一混醬。
熱飲區嗰邊 可以泡一壺熱茶 ，玄米茶，菊花茶， 還有咖啡。 飲品櫃選擇也不少～ 成個飲品櫃擺滿 唔同款式。
清清哋揀咗 皮蛋芫茜湯底～ 以為清湯底原來都幾多料， 芫茜皮蛋味好香， 配任何火鍋料都啱啱好唔會太濃味。
套餐包括一份火鍋海鮮盛合～ 生蠔， 貴妃蚌，大蜆，海蝦，脆肉鯇片。 貴妃蚌鮮甜厚肉， 生蠔肥美， 海蝦一般。
亦包括刺身盛合， 三文魚肥美，象拔蚌夠爽甜， 帶頭甜蝦肉也很鮮味。
去到呢個位其實都半飽～ 火鍋區有各種唔同嘅蔬菜，菇類，丸，選擇也很多。
可以任吃的羊肉也唔錯， 豚肉爽嫩， 肥牛好薄味道亦唔太差。 細細粒嘅魚皮餃 ，外皮煙韌。
吃飽飽後都要試埋甜品㗎， 揀咗黑牛同豆腐花！
餐廳座位寬闊， 食放題 四人枱嚟講算係好大張。
人手真係唔夠， 好難先見到店員落單， （雖然我都係落咗一次單 ）明白佢哋真係好忙，人手得返好少。 埋單后仲送咗支消毒酒精， 非常貼心！
Post
