Video
Read full review
2018-07-28
912 views
成日都話想減肥，唔通個個都要減肥咩？！Helfit Lifestyle Club唔係用餐廳稱呼，係用Club，比較特別。因為27樓係附屬瑜珈中心，做瑜珈後可以嚟樓下3樓呢度食個健康餐，餐單係由星級主廚同註冊營養師聯手制定。餐廳裝修唔係豪華，走簡約清新風，坐得都幾舒適。午市時段有Set Lunch供應，亦都有全日供應嘅「營養師推介」套餐，每個餐都註明卡路里同營養簡介，就算唔係減肥嘅朋友，都可以同我一齊嚟食。除左個人口味外，睇埋營養價值先決定食咩餐都未遲。今日餐湯係甘筍薑湯，幾滑幾濃，淡淡薑味。芝麻餐包，新鮮鬆軟。沙律係蜜瓜沙律，有沙律菜之外仲有蜜瓜同青蘋果。巴東牛肉配糙米飯，糙米高纖高維生素B，口感亦特別煙韌。咖哩香味濃郁帶點微辣，幾惹味。脆香鱸魚伴炒薯及鮮豆配香蒜蕃茄汁，魚皮煎得香脆，魚肉夠嫩滑，無魚骨，食得特別方便。兩個主菜都配搭左唔同蔬菜，營養均衡。餐茶可以揀有機咖啡，大大杯，即磨的，奶亦預先加熱，唔錯。其實駛唔駛減肥都唔緊要，最緊要食得有營！加埋一都係百幾蚊一個SET，味道好，值得一試！
Helfit Lifestyle Club唔係用餐廳稱呼，係用Club，比較特別。因為27樓係附屬瑜珈中心，做瑜珈後可以嚟樓下3樓呢度食個健康餐，餐單係由星級主廚同註冊營養師聯手制定。餐廳裝修唔係豪華，走簡約清新風，坐得都幾舒適。
午市時段有Set Lunch供應，亦都有全日供應嘅「營養師推介」套餐，每個餐都註明卡路里同營養簡介，就算唔係減肥嘅朋友，都可以同我一齊嚟食。除左個人口味外，睇埋營養價值先決定食咩餐都未遲。
今日餐湯係甘筍薑湯，幾滑幾濃，淡淡薑味。
芝麻餐包，新鮮鬆軟。
沙律係蜜瓜沙律，有沙律菜之外仲有蜜瓜同青蘋果。
巴東牛肉配糙米飯，糙米高纖高維生素B，口感亦特別煙韌。咖哩香味濃郁帶點微辣，幾惹味。
脆香鱸魚伴炒薯及鮮豆配香蒜蕃茄汁，魚皮煎得香脆，魚肉夠嫩滑，無魚骨，食得特別方便。
兩個主菜都配搭左唔同蔬菜，營養均衡。
餐茶可以揀有機咖啡，大大杯，即磨的，奶亦預先加熱，唔錯。
其實駛唔駛減肥都唔緊要，最緊要食得有營！加埋一都係百幾蚊一個SET，味道好，值得一試！
Post
