壹級日本料理 (Closed)

自己都幾大食唔知関唔関工作問題影響所以先會食咁多，講番呢期又去食日本料理，平時食開多數都係日式放題店居多，點解因為平靚正食物質素各有所取，至於日式料店當然係散點食物不過都會有套餐供應，雖然呢次係去屋村裏面食日本料理睇落會覺得怪怪，但大家又未食過又點知食物質素分分鐘食落會有驚喜，其實餐牌菜式基本上同出面食開都一樣，而且價錢都會親民D，仲有自選配搭晚餐提供，我當然唔會錯過機會又可以食多幾款美食，先來係火炙安格斯牛肉飯丼飯跟味噌湯安格斯牛肉份量足，而且牛肉火炙過表面食落特別香口，肉質入口香嫰又肥美食得滋味，再飲啖湯繼續品嚐，而凡惠顧自選配搭晚餐仲可以加$18食日式小吃，我都點番款辣味螺肉食下先而另一款係鐵板厚切豚肉(燒汁）跟飯，熱辣辣鐵板再淋燒汁係豚肉上，豚肉肉質豐厚，輕輕切開已見肥廋適中，食落又估唔到咁鬆軟肉味濃有驚喜美食又何止呢D再來有軟殼蟹火炙芝士三文魚籽卷，入口食到軟殻蟹夠香脆鮮嫰，芝士香滑魚籽甘香，食落口感十足再來有墨汁蜆肉帶子炒烏冬，先食咗帶子大隻夠鮮甜，墨汁鳥冬入口滑溜味濃郁連埋蜆肉一同品嚐，當然食到滿口都黑晒啦話咁快又食咗一餐日式料理美食。