旺泰特食 (Closed)

端午節....突然好想食泰菜....以為假期去食飯要去等位啦，係要等位，不過係車位囉 ~仲要係西貢喎，以為會等到訓，不過好彩 ---- 唔駛等 !!!!唔駛等位有咩好介紹?? 咪就係呢間 ↓↓↓↓↓↓「旺泰特食」囉 ~上openrice睇....見到有2間「旺泰特食」，不過首推果間註明係無分店的，哈哈....就去試下啦 !!!!想唔認錯 ?? 呢間係有英文名架，巷仔果間無架 ~~ 首先上的係脆肉炒芥蘭，以為脆肉係咩，原來係咸肉 ~基本上似係清炒，如果食左條係辣椒隔離的菜，就會有少少辣囉 !!! XDD濕炒海鮮河，真係要試下，佢D河粉又粗又厚，不過食落唔會話一 pat pat同埋又係好足料，料又係多過粉，哈哈 .....下次黎試應該會試乾炒，應該會好味 d ~黃咖哩雞焗麵包個包面有少少燶，不過入面是相當有份量 €有雞、薯仔、車厘茄、洋蔥因為佢放埋咖哩汁係個麵包度焗，所以食個麵包時唔會話好乾同埋入左味的麵包真係好好食啊 !!! d雞焗完又唔會話好乾身 ~串燒，可以叫一打或半打，都係果d，有豬、牛、雞 ~都燒得唔錯，起碼唔會乾哂身先 ~不過就無乜味道囉，可能佢未身無醃過呢條冬陰公明爐魚正呀，