Video
Read full review
2019-04-28
337 views
【前言：平日多煮而極少外出食飯，朋友鼓勵我將同佢地講嘅評價寫出來，希望提供不同角度，供別人參考。】事先經openrice book位，而可能受黃雨影響，餐廳雖然多人但未爆。餐牌選擇數量合理，與一般越式餐廳相若，點了：1：軟殼蟹柚子沙律2：品越小食拼盤（蝦餅、春卷、扎肉、豬頸肉米紙卷、酸辣鳳爪）3：串燒拼盤（菠蘿、豬肉、雞肉、牛肉）4：河內生牛肉湯河粉原隻軟殼蟹上碟無欺場，柚子肉份量ok。蟹炸得不錯，不會好厚粉好油膩；柚子香甜，配合脆口腰果，清爽青瓜絲是非常好食。惟獨要講講個汁，應該加了柚子蜜，而且頗重手，所以愈食愈甜，由柚子原本的自然甜味變成人工糖的甜，有點美中不足。不過自家炸軟殼蟹費油，而且好少買到咁大隻，仲要拆柚子肉……呢個價錢有呢個份量，食功夫都抵。個人認為不算特別出色，味道中等。較值得一讚是豬頸肉米紙卷包得扎實、乾爽，根據從自家包米紙卷的經驗，這兩點有點難做到。不過食落就無乜味，就算沾了魚露醋都略淡。蝦餅普通貨色，若自己打蝦膠也不難做到更好的味道。酸辣鳳爪的軟硬度做得不錯……無論如何，食越菜點可以唔叫小食？係咪？串燒拼盤令人失望，雖然未至於雞牛豬一樣味，但實在太鹹。我好少出街食
事先經openrice book位，而可能受黃雨影響，餐廳雖然多人但未爆。餐牌選擇數量合理，與一般越式餐廳相若，點了：
1：軟殼蟹柚子沙律
2：品越小食拼盤（蝦餅、春卷、扎肉、豬頸肉米紙卷、酸辣鳳爪）
3：串燒拼盤（菠蘿、豬肉、雞肉、牛肉）
4：河內生牛肉湯河粉
軟殼蟹柚子沙律
24 views
0 likes
0 comments
品越小食拼盤
26 views
0 likes
0 comments
串燒拼盤
12 views
0 likes
0 comments
唔記得影相嘅河内生牛肉湯河粉最值得讚，牛肉份量足，雖然唔算好有牛肉味，但生熟度很好唔會韌唔會腥，而且同洋蔥、九層塔呢類配料都好足料。湯底唔油，唔會過鹹，河粉好夠滑。
食飯之前淋咗雨，可能「攝」親唔多舒服，胃口不佳，否則會多叫幾味。食完埋單有侍應/經理問覺得嘢食點，唔知係咪見落單少，抑或著緊食物質素。總體來說，餐廳整體性價比唔錯，份量足，用料不錯，唔算貴，會想再去食。只係調味稍為重手，所以如果同我一樣受不到鹹，記得點菜時不要揀太濃味嘅菜式。
Post
