Riso Café (Closed)

尋晚同老公在riso食dinner, 原本想去euro go go, 但已滿座, 見riso冷冷清清, 還擔心其食物質素, 睇過menu, 還是決定一試。叫了個2人套餐, 有一客蒜蓉包, 2碟意粉/飯, 2杯飲品+2份生果, $99。蒜蓉包幾好味, 拍得住pizza hut的水準。當日main dish係白汁腸仔意粉and虎蝦燴飯, 個意粉好夠汁同夠味, 反而個飯麻麻地, 無乜味。2杯drink揀左一個芒果+波羅(唔記得名), 幾好, 芒果味同波羅味好平均, 又唔會太甜, 又不會凍到入心入肺。另一杯係玫瑰蜜茶, 即玫瑰花茶+蜜糖, 蜜糖份量是自己落, 可迎合不同人口味。2份生果有西瓜, 蜜瓜, 哈蜜瓜同波羅4款任揀, 我們選了西瓜同哈蜜瓜。最好的係生果唔會有爛溶溶唔想入口的感覺之餘, 還加了沙冰上面, 令生果能保持冰凍, 值得一讚。環境雖細, 但格調ok, 感覺乾淨同舒服, 二人世界或三五知己談心都岩。