一鍋瘋 (Closed)

今日食團年飯，難得嚐了一間細心精緻又抵食的海鮮火鍋店，一個一人一鍋獨立湯底，湯底好清新，聽講下週仲有一週限定的粉紅湯底以應元宵。海鮮呢，新鮮由缸取出，除了生蝦咁跳，仲見到個花甲裡面郁，食落當然鮮甜；今日仲有龍躉魚片😋，好好味，但最欣賞是清了內臟，食得好放心，又有鮑魚等等。肉丸手打絕不欺場，菠蘿雞肉丸真係未試過，黑豚肉同牛肉，大塊唔滯，有牛味同豬味(唔係食家唔識講)。食材太多唔一一介紹。個人來說，最欣賞精緻的食物設計，例如放入粥料的時間、秘製小青瓜和謎一樣的鴛鴦蕃薯波。砵蘭街這間不限時進食物，而且招呼週到，食左超過三小時，我真係好少食咁多😁