十二味不只是烤魚 (Closed)

舊同學聚舊，去咗我哋以前嘅飯堂回味回味!工三個女仔，叫左一條烤魚、口水雞同埋木耳。先來<麻辣木耳><麻辣木耳>雖唔係麻而不辣個種麻辣，佢用咗餐廳自己調製嘅麻辣汁，惹味香辣得嚟帶小小麻，愈食愈過癮!跟住就嚟<川式口水雞>估唔到咁大份，平時出面食口水雞都係得幾件，呢度有成差不多半隻，性價比高!!雞肉夠晒肥美，啖啖肉，而且「口水」(辣醬)一啲都唔「孤寒」，好多，每一啖都可沾滿「口水」，實在食到我流晒口水!!而我特別喜歡口水雞上嘅花生，炸我好香口，一邊傾計，一邊食，一流!!最後，就到咗是晚主菜--<烤鯰魚>我地揀咗招牌香辣味 小辣。鯰魚比起鯇魚小骨，肉比較稔!點解我地叫小辣??你睇下魚上面有幾多辣椒!!!一開頭食個時，小小辣，岩岩好，但隨著辣椒喺湯愈煮愈耐，個湯由小辣->中辣->大辣如果你唔食得辣，又想慢慢嘆魚，記得一開頭夾走所有辣椒!!!!喺十二味食烤魚仲有多款配料比你烚下烚下!!我地揀咗土豆片同埋寬炒粉(薯粉)，兩樣都係好「索」嘅食材，雖然湯愈食愈辣，但好惹味，食到停唔到口!!!