Video
Read full review
2024-04-24
535 views
食得日本A5和牛燒肉，預咗一定唔會平，今次齋計食唔計飲人均$800 ，有質有量，同樣嘅價錢，喺出邊好多高級燒肉店都係食唔飽嘅，人哋過千蚊一個set，勝在打卡靚仔，呢度好實際，零擺盤，要影靚相真係好考功夫，擺碟冇花冇草冇任何多餘嘢，只係有肉，上網做吓功課，就知道呢個係Luigi 嘅賣點，完全不賣弄花巧。有咩好食？其實佢Menu唔多嘢揀，最靚嘅A5肉眼、西冷、chateaubriand、仲有28日dry age 全部唔會令人失望，網上推介「和牛月見金磚」同埋生牛肉 toast ，呢個厲害啦，和牛他他配即刨嘅 parmesan cheese 同點到即止嘅魚子醬，仲要超值$90有兩件，啲Cafe求其食個麵包加果醬都收你$40，呢個真係必吃！之後想嗌佢幾個丼飯試吓，有個和牛滷肉飯好想試，不過咁啱冇，侍應建議先嗌其中一個share，咁就揀最貴嘅真理丼，裏面有和牛、仲有魚子醬、黑松露、海膽、同埋日本蛋黃，食完就真係知道乜嘢係丼飯嘅真理，順帶一提，佢哋有個自助醬料區，有啲大蒜、蔥鹽，攞嚟撈飯超正，仲係任攞㗎，攞咗就唔好嘥，一定要食晒唔好浪費。最後，回應吓前po，絕對認同佢哋服務係超勁好，雖然話自己燒價
有咩好食？其實佢Menu唔多嘢揀，最靚嘅A5肉眼、西冷、chateaubriand、仲有28日dry age 全部唔會令人失望，網上推介「和牛月見金磚」同埋生牛肉 toast ，呢個厲害啦，和牛他他配即刨嘅 parmesan cheese 同點到即止嘅魚子醬，仲要超值$90有兩件，啲Cafe求其食個麵包加果醬都收你$40，呢個真係必吃！
之後想嗌佢幾個丼飯試吓，有個和牛滷肉飯好想試，不過咁啱冇，侍應建議先嗌其中一個share，咁就揀最貴嘅真理丼，裏面有和牛、仲有魚子醬、黑松露、海膽、同埋日本蛋黃，食完就真係知道乜嘢係丼飯嘅真理，順帶一提，佢哋有個自助醬料區，有啲大蒜、蔥鹽，攞嚟撈飯超正，仲係任攞㗎，攞咗就唔好嘥，一定要食晒唔好浪費。
最後，回應吓前po，絕對認同佢哋服務係超勁好，雖然話自己燒價錢會平啲，以為會冇人理你，但係佢哋會走埋嚟提吓你點燒最好食，另外仲有個燒烤操作手冊可以參考吓，至於燒完會唔會大陣味，啲A5和牛油脂咁重，燒嘅時候係有少少煙升上嚟，我諗呢個係正常嘅，但係唔會大味囉，唔明點解有人冇燒過，就話會有味，我睇完嗰篇食評，都有窒一窒，好彩自己嚟食過，真相大白。
總括嚟講，係CP值勁高，見隔籬枱有澳門專程嚟幫襯嘅，有半個場啲客都係講英文，又有藝人，呢個真係 hidden gem！唯一有少少意見嘅，係唔近地鐵站，唔方便我呢啲唔揸車嘅人，不過揸車嘅朋友就超like門口有咪錶位。
最最最後，佢哋門口有個好特別嘅衣櫃位，除咗掛外套，攞住大袋戰利品嘅都可以放入去，咁就可以燒得盡情盡興，唔使放喺座位隔離阻住晒。
Post