燒洒一族 (顯徑街市)

Open Now

Now Closed

今次介紹呢間，係做外賣燒酒一族。見到價錢唔算話太貴，而且有好多款唔同嘅嘢食，睇相都覺得好惹味。😀所以就同朋友們揀選左呢間做今晚嘅晚餐。送到黎嘅時候一盒盒，有曬紙盒同餐具，乾淨衛生。我哋都買咗好幾款唔同嘅嘢食。德國豬手，鴨腎，雞軟骨，豬耳，雞翼，雞，五花腩。德國咸豬手大大隻，肉質軟腍腍，豬皮卜卜脆，不過可能因為叫外賣焗耐左，所以冇想像中咁脆。之後比較深刻嘅就係花雕雞翼同埋雞軟骨，呢兩個一食落口就充滿咗酒香味，而且雞肉好嫩滑，雞軟骨極度卜卜脆，呢一個下次再叫到會必點嘅菜式。