公和荳品廠

Open Now

Now Closed

因為有少少特別嘅物件要搵，所以走咗去深水埗嗰邊，搵到咁上下經過見到公和荳品廠，諗吓都好耐冇食過豆腐花，所以就走咗入去。有樣嘢最好嘅就係佢地點好方便，響深水埗地鐵站行出嚟2分鐘就到，雖然佢隔離有分店，但係個人都係比較鍾意去返舊舖識嗰種感覺。今次叫咗一碗熱嘅大豆腐花，同埋一碟煎豆卜。豆腐花真係啱啱裝出嚟，所以夠熱，加埋啲黃糖落去一齊食，嗰種豆腐嘅味特別濃郁，同埋啲豆腐都保持到一貫嘅香滑。煎豆卜亦都冇乜變過，一樣煎得咁好味，只不過之前食咗嘢，所以冇嗌多一碟煎豆腐，希望下次有機會經過再食埋佢。