馬德里餐廳

Open Now

Now Closed

今晚去左深水埗馬得里餐廳食扒，好耐冇同老公二人世界，真開心。舖頭都幾大，又有卡位坐，都舒服，晚餐時間食客都吾少，不過都吾洗等位，因為真係平靚正呀。我點了肉眼牛扒餐，包了沙律餐包，餐湯同甜品都只係$128，正呀，老公點了美式雜扒餐，仲抵，先$138，食到飽正啊。上碟是鐵板的，我同老公揀左黑椒汁，勁香咁淋在扒面上，炸炸聲，熱辣辣，先講牛肉眼入口牛味濃，要左5成熟岩岩好，肉質嫩淋，好食。老公的雜扒餐份量十足，有豬扒一大塊，雞扒大大塊，煎蛋，珍寶腸，同薯條配菜，全部都煎過再上鐵板，超好食，又飽肚，抵食。田螺焗薯都好食，螺岩岩好，不會老，彈牙，同焗薯都好夾。餐包是熱的，餐湯白湯紅湯都點了，覺得紅湯好飲，足料少少辣很惹味。仲加了38元有6隻雞翼，揀了瑞士雞翼，勁入味，又大隻，好味。已經勁飽，店員再比啫喱，又問你要吾要加奶，加了花奶更好食又滑，好正啊。整體環境服務都好，食物真心平靚正，會再來光顧。