Video
Read full review
2019-05-17
2067 views
今晚同老公收工決定係元朗搵食想食餐好啲但又想性價比高啲比我地發現鳳南攸街有間幾啱心水餐廳主打各類炭燒扒以及無限任食自家制薯條我就試星期一至四期間限定嘅炭燒澳洲殼飼西冷汁6oz配薯菜 另加18蚊配餐湯及餐飲老公就揀炭燒美國黑安格斯肉眼扒10oz配香甜番薯條 呢個套餐仲包埋佢最愛嘅任食薯條上菜前 店員會先提供一籃麵包及餅乾配千島醬兩者都入口脆口 非常適合作開胃菜 然後再上一桶自家製薯條配傳統茄汁同埋黑松露沙律醬薯條熱辣辣 應該係啱啱炸起 食到香脆感飲完creamy嘅西蘭花忌廉湯之後等到我份西冷出場 份量一啲都唔細 塊扒同我手掌一樣大小 仲要係厚切 肉質厚實有韌勁 咬落有口感 西冷本來嘅肉香夾雜炭燒香 令到肉味更加濃郁準繩嘅三成熟 讓肉心保持嫩滑 外層卻有實而不韌口感配上薯菜茄子 翠玉瓜 以及薯條 平衡肉食嘅油膩感而老公嘅黑安格斯肉眼扒就啱晒佢口味相比西冷 肉眼扒油脂分佈更平均更細緻今次嘅肉眼扒油花同樣豐富 炭燒後仍然口感軟腍鮮嫩 一刀容易切開 入口滿腔油脂香 又以炭燒菠蘿作配菜而且12oz份量最啱男士 夠晒飽 香甜薯條我最愛 少咗油炸感但帶住甜味 感覺相當健康及更加惹味最後試埋甜品佢地自家
想食餐好啲但又想性價比高啲
比我地發現鳳南攸街有間幾啱心水
餐廳主打各類炭燒扒以及無限任食自家制薯條
我就試星期一至四期間限定嘅炭燒澳洲殼飼西冷汁6oz配薯菜 另加18蚊配餐湯及餐飲
老公就揀炭燒美國黑安格斯肉眼扒10oz配香甜番薯條 呢個套餐仲包埋佢最愛嘅任食薯條
上菜前 店員會先提供一籃麵包及餅乾配千島醬
兩者都入口脆口 非常適合作開胃菜
然後再上一桶自家製薯條配傳統茄汁同埋黑松露沙律醬
薯條熱辣辣 應該係啱啱炸起 食到香脆感
飲完creamy嘅西蘭花忌廉湯之後
等到我份西冷出場 份量一啲都唔細
塊扒同我手掌一樣大小 仲要係厚切
肉質厚實有韌勁 咬落有口感
西冷本來嘅肉香夾雜炭燒香 令到肉味更加濃郁
準繩嘅三成熟 讓肉心保持嫩滑 外層卻有實而不韌口感
配上薯菜茄子 翠玉瓜 以及薯條 平衡肉食嘅油膩感
而老公嘅黑安格斯肉眼扒就啱晒佢口味
相比西冷 肉眼扒油脂分佈更平均更細緻
今次嘅肉眼扒油花同樣豐富
炭燒後仍然口感軟腍鮮嫩 一刀容易切開
入口滿腔油脂香 又以炭燒菠蘿作配菜
而且12oz份量最啱男士 夠晒飽
香甜薯條我最愛 少咗油炸感但帶住甜味
感覺相當健康及更加惹味
最後試埋甜品佢地自家製嘅churros
呢個甜品普遍出現於西班牙菜餐廳
估唔到今日都會試到 churros灑上玉桂粉
隨心沾點朱古力醬 外脆內軟加上香甜
真係令人無可抗拒 結果我自己食晒成碟😂
希望餐廳可以係食肆林立嘅元朗䇄立不倒
元朗需要呢種高質又性價比高嘅扒房
Post
