新匯聚打冷小廚 (Closed)

之前試過佢既小菜店，比預期有點遜色。今次細佬 call 飯局，話試同店既打冷店，好! 等我試埋佢既打冷~我地7條 book 咗7pm，食店無靚裝潢，真係平民食店，跟小菜店格局類同。伙記好勤快及有禮。見到不少檯也是一家大小去捧場。今晚由細佬發板。1. 鹵水拼盤：鹵水入味，只係鵝肉比較韌，其他材料都ok2. 椒鹽九肚魚：炸得恰到好處，同小菜店一樣好味3. 啫啫通菜煲：好香呀，入味4. 蠔仔粥：多蠔仔、粥底好味5. 甜薯牛仔粒：炒得香，甜薯美味，牛仔粒也食5停口6. 手撕雞：好香香麻味，但配料太多，反而主菜。。。雞。。。卻很少，5值7. 蒸方利：本來想叫大斑兩味，但伙記大推呢條方利，承惠$550。。。貴就貴d，但大方利5係成日見到，而且屋企無咁大隻鑊蒸，於是照叫。嘩。。。條方利無令我失望，連我呢d 5食魚既人都食咗一大片，真係幾滑又好味。後來仲叫咗碗白飯撈魚汁呢度d 水壺係銅壺，幾滾熱，小心灼手，但水滾茶靚~最後送清甜杞子桂花糕，佢地呢個糕係幾好味架~埋單$1250，可用支付寶。